في موضوع مضايقني وايد، الا وهو السعر اللي يحطونه حق العروس،،
طبعا من يسمعون كلمة "انا عروس" زيدوا السعر من الخاطر،،
المهم،، الله يسلمكم.. في عرسي (العام) سرت اتحنى في صالون و حناهم يجنن،،
طبعا أنا و خواتي كلننا سرنا نتحنى.. وتمينا نقولهم ترا نبا ديزاين حلووو،،
عشان لو سألونا نقول انه تحنينا عندكم و من هالكلام..بدون ما نخبرهم انه في عروس من بينا…
طبعا حنوني كاني أي زبونه ثانية.. وما خبرتهم اني عروس،،
ووالله ماشاءالله تبارك الله كان الحناء رهيب
فياخواتي،، مافي داعي نخبرهم انه نحن عرايس.. ليش نخليهم يقصون علينا و ياخذون دبل المبلغ..
تحنوا وانتوا ساااااكتين أفضل ^_^
هذا و السموحة على الإطالة
بس ماتنفع هالطريقة في باقي الامور
وخص المكياج والتسريحة
اللس اسعارهم اضعاف مضاعفة
ع الاقل الحنا بتم اسبوع ع ايدج لكن الميكب والتسريحة ساعات وخلاص
وموفقة
أنا ها اللي بسويـــــــه ترا الا حنـــــــا حق شو ادفع الدبل ؟؟
مشكوره ^^
بس المشكله اذا الحنايا بتييي البيت 
ما نروم نجذب عليها !!!
بس انا احيد خالاتي يوم يعرسوووون كنت اسير معاهم يتحنون و ما كانوا يقولون انهم عرايس
و بغيت اقول مب بس في الحنااااا في وايد سوالف !! بس اذا عرفوا انج عرسوووووووو حطوا فبالهم انا نبيييض بيزات و يضربوووون السعر …!!
الصراحة الوحده ياانها تقول انها اخت العروس وتبغي حنة حلوة وعادية بس طويله او الي ماتبغي تقول ملجة بس حررام والله شو 2000 ولا قالت عحسب الطول يمكن اكثر
واخر شي ترى محد ينتبه للحنه الا انتي متحنية وخلاص ماتبان النقشة
انا مدمنة حنة وطبعا مب مكان للحنة اسير اكيد الحلو والراقي بس مستحيل توصل اني ادفع 2000 لحنه
والله حرام استغلال على الاخر والله باخذ 2000 وبتهنى فيهم انا
والسموحة على الاطاله
يالله في ها اليوم يكون كل شيء غالي .. أغلى مكياج أحطه في حياتي .. و أغلى تسريحــة .. و أغلى فستان ألبسه ووو و أغلى حنـــا ..
أنا كــان حنايه اب 3000 درهم .. بس تبون الصدق .. دفعتهن اب طيب خاطر .. الله يتمم عليكن خواااتي إن شاء الله ..