سرطان الثدي

السلام عليكم أخواتي بغيت استفسار عن احسن مستشفي في الامارات لعلاج سرطان الثدي لأني ما اقدر أسافر للخارج وابغي اتعالج في الدوله بس ما اعرف وأين أسير وأخاف من الخزعه ما ابغي اسويها ارجوا الرد عليه بسرعه

ما اعرف الصراحة
ان شاء الله حد يفيدج الغلا
والله يشفيج الغلا ويعافيج

والله نفسيتي تعبانه انا بعدني في الثلاثين وقالوا لي ان عندي ثلاث اورام في الصدر اكبر واحد خمسه سم ويمكن يكون ممتد الي الغده اللفاويه بس يبون يأخذون خزعه وانا خائفه ما اعرف وأين أسير

الصرااحــــه ماااعندي علم فالموووضووع أن شاء الله البنات بيفيدوونج ..

الله يشفيــــــج أن شاء الله ..

أختي الله يبعد عنج كل سوء, حبيبتي توكلي على الله بإذن الله بيكونو أكياس ليفية حميدة بس لازم تسوي الخزعة والخذعة تراها ما تعور مثل ماأنت متوقعة , أنا مسوتنها والحمدلله كان عادي, ألم بسيط ومحتمل ,بس الغالية في نوعين من الخزعة بالإبرة الرفيعة ( fine needle aspriation ) وفي الخزعة العميقة ( core aspiration)وفي بعد يشيلو الورم كامل بعملية ويفحصوه,بس سؤال أنت سويتي أشعة الثدي؟ الماموجرام ولا لا؟ الخزعة تقدري تسويها تقريبا ً في أي مستشفى حكومي عندهم دكتور جراحة مختبر لفحص الأنسجة والخلايا, وفي مستشفيات متخصصة مثل مستشفى دبي اللي في الحمرية وطبعاً مستشفى توام .حبيبتي أنا عضوة في اللجنة الوطنية العليا لمكافحة سرطان الثدي وحاسة والله فيج لأني عشت نفس معاناتج بس الحمدلله والشكر طلع ورم ليفي حميد وإذا عندج أي سؤال أو استفسار أنا تحت أمرج بس راسليني على الخاص لأني مرات ما أدخل كل المواضيع, توكلي على الله وأكثري من قراءة سورتي الفاتحة والصمد والإستغفار وحطي أيدج على ثدج وأنت تقرئ ولا تأجلي الفحص لأنه حتى لو لا سمح الله في شي في بدايته علاجه بيكون بإذن الله أسهل بكثير, واعرف حريم وايدات أكتشفنه في بدايته وتعالجن والحمدلله صارن بألف خير ,بس رجاء خاص طميني عليج, ربي يطمن قلبج أختي.

تلاحقي على عمرج حبوووبه
وربي يعآآآآآآآفيج
ويبعد عنج كل شررر

اذا متاكدين ان سرطان ليش الخزعه … العلاج بالكيماوي و بعدين اشعاع و بعدين عمليه ….. هذا طريقة الاجانب في العلاج ….
الخزعة لمعرفة اذا الياف او خلايا حيه …. و الاشعه النوويه ممكن تبين لج ….
مالج الا توام ………..
ربي يعافيج و عليج بالدعاء و الصدقه