اناا مابي شي من موضوعي الا النصيحه (رجاء حار يا مشرفات يا حبايبي لاتمسحن موضوعي شرات الي قبله)
بنات احنا بعايلتنا فترة الخطوبة مسموح لنا اننا نتكلم ويالريال ونتعرف عليه
الي صار حاليا عمري 21 سنة وخطيبي 22سنة
الحمدلله احنا نحب بعض ووايد نحترم بعض خطيبي هادي حنون وطيب وقلبه علي وعلى هلي ماشالله عليه
انا حمدلله طيوبة مسالمة ماعندي مشكله وياحد علاقتي باهله للحين هاديه واحبه بس عندي مشكله ان انا عصبية وايييييد وزعلي وايد يطول مارضى بسرعه وهالشي قام ياثر وايد علينا يعني اي مشكله تصير فيني اطلع حرتي فيه هو ونتزاعل !!!
احيانا اقول يمكن هالعصبية لان مليت شوي منه لان من خطبنا وهو كله يبا يكلمني ويزورنا يعني لزقة 24 ساعه فيني امي قالت لي مع الوقت راح يخف عادي بس مب قادره يابنات وايد اتعب منه ومن اكلمه واصارحه يتبدل ويصير زين يومين عقب يرد لعادته الجديمه وهو بروحه قالي عصبيتج هذي انا اتحملها لاني عارفج زين وعارف من تهدين ماشي مثلج
هو يبي اشيا مني وبالتالي وايد يضغط علي وانا مب راضيه وماباه كله يمشيني عكيفه وينسا منو انا وشو شخصيتي
مثال بسيط: اذا سال عن هلي ولااتصل عليهم يباني اسوي نفس شي لهله, اذا طرشلي صوره لازم عقب كم يوم انا اطرشله صوري>>> اعترف انها اكبر غلطه سويتها
اخر موقف استوا كنت معصبه ومنصدمة من شخص بعايلتي وتلاسننا وايد وصحت صياح كرهت عمري يومها (انا من النوع الي ماحب اشكي لخطيبي عن مشاكلي وياهلي) انزين وقتها رحت غرفتي وبكيت وهديت شوي واتصل فيني وتمينا نسولف عرف اني متضايجه وسسالني شو فيج قلت له متضايجه وماباك تسالني عن شو السالفه ماتسوا قالي لا ابا اعرف شوفيج خبريني يمكن اقدر اساعدج
قلت له انا مقدر اقولك عن شي الحين تعبانه ومالي خاطر لاني احس صدق مافيني اتذكرها واصر علي وقلت له ليش ماتفهمني انا ابا نسولف عن اي شي بعيد عن همي الريال كل مانسولف عن شي يقولي ابا اعرف شوفيج !!>> واييد عنيد
هو اهتمامه الزايد فيني وايد قاهرني يعني اوقات صحيح ابا اشكيلك بس اوقات انا ابا اشغل نفسي والهي عمري بعيد عن اي شي يضايقني مايكون عندي استعداد اتكلم بمثل هالاشيا خلاص 
الي صار طبعا اصر انه يعرف شو فيني وانا قللت له : انا ندمت يوم كلمتك لان حسبالي راح تفهمني
هو: زين قوليلي راح ترتاحين ومب هاين علي اشوفج متضايجه
انا: انت ماتفهم ماتستوعب كلامي تعبت ونا اعيد اني مابا اطري السالفه خلاص ولت وانتهت هو: انزين انا اسف
انا: اوك شخبارك شسويت بعد اليوم
هو: كيت وكيت وكيت (سكت شوي) عشاني قوليلي شوفيج
انا: ياااااخي طفرتبي انا (XXXX) يوم اني رديت عليك وسكرت بويهه
مارديت على اتصالاته ولا مسجاته الي كلها اسف وعتاب والخ
قاطعته يومين (اكيد مشتاقتله) وياني مسج رسمي يودعني وانه رايح للعمرة وبيزورني عساس يودعنا ماكان لي نفس اشوفه ولا اكلمه لاني تعبت ومليت وبغيت اكون بروحي شوي طلعت ويوم سال عني قالوله طلعت (عصب اني ماشاورته) وطرشلي مسج انتي متغيره هذا كله لاني بغيت اعرف شو الي ضايقج وانا مسافر لهالدرجه صعب عليج تكلميني وتسامحيني الله يسامج ويهديج!!!
عقبها بساعات ظنتيه هو بالطريج عاد طرشت له مسج بكل برود اقوله (عمره مقبوله)
صار على سفره 3 ايام ادري انه بينشغل بالعباده هناك بس ماطرش لي اي شي ولا اتصل ولاهم يحزنون وانا بعد طاف ومب مكلمته لين ماهو يبدا ويكلمني
انا عارفه اني غلطانه وهو غلطان شوي انه مايقدر يتفهمني بس ماقدر افهم ليش انا عصبيه بس معاه هو وقاسية وياه ليش مع اني احبه !!!
وايد وساوس تييني ومنها ان دام ان نحن عالبر نفصخ خطوبتنا وننهي كل شي واحس ان انا ماستاهله لانه يتعذب وياي
شسوي بنفسي
مشكورة خيتي على مرورج وردج ربي يسعدج
وفعلاً ريلج مسكين و ما لقيت انه مسوي شيء غلط من اللي كتبتيه في الموضوع
شيء ايجابي انه مهتم فيج ويحبج
البنات يتمنون هالشي
صدقيني فتره وبتعدي ،وبتشتاقين لها ،، الكل بالبدايه جي اهتمامهم زايد
ويخف مع الأيام
خفي عصبيتج عليه
وقولي بينج وبين نفسج ،، أخذ اللي شاريني ويهتم فيني ويحبني ،، أحسن من أخذ واحد يطنشني ويهملني ولا يسأل عني
أما على سالفته البدل أنا عطيتج عطيني ،، قولي له أنا حرمه ما أقدر أعطيك كل شيء واستحي اتصل كل شوي بأهلك لإنا بعدنا بالخطبه ..
الله يسهل أمورج
من كثر ماقريت مشاكل بهالقسم كنت اصبر واهدي نفسي باني اقول بنفسي هو يهتم ويسال ويحب شو بالمقابل اعطيه ع الاقل اغير من نفسي عساس ارضيه واحس بتانيب الضمير بس مشكلتي الي لازم احلها اني اعرف اتحكم بنفسي وبكلامي وبعصبيتي من اكلمه !! وخاصه من يستفزني تصرفه