ساعدوني يا خبيرات ~ تجهيز بيتي من الصفر ~

السلام عليكم و رحمة الله و بركاته

شحالكن خواتي؟؟؟

الصراحه
ماعرف من وين ابدأ

خواتي انا من عرست و انا ساكنه عند اهل ريلي في غرفه

و الحينه بنتقل بيتي اليديد و اريد انظم عمري وابدأ بالتجهيزات

للعلم اني بكون مع ريلي بروحنا

بدون عيال ولا خدامه حالياً

ف ماريد اكثر من الاغراض الحينه

بسسسس

من كثر الافكار اللي في راسي أخاف اخربط و اشتري اشياء مالها داعي….

لازم ابدأ من الصفر و مب عارفه شو ولا شو آخذ

و النوعيات الزينه

مثلا

المطبخ

شو التجهيزات الاساسيه اللي بحتاجها؟؟

اريد الاشياء الضروريه و الاساسيه يعني ال بيسك Basic

اللسته اللي حطيتها تتضمن

ثلاجه و فريزر
فرن
جدور للطبخ >>>(عطوني احسن نوعيه)
طقم صحون للاستخدام اليومي >>>(من وين؟)
الدلال و ملحقاتها (فنايين و صينيه و ملة غسول الخ)
الخ

(الباب مفتوح لمقترحاتكم)

غرفة الغسيل

ان شاء الله
باخذ لي غساله اوتوماتيك اللي تتعبأ من فوق لاني مجربتنها و احسن من اللي تتعبا من الامام
كوايه
طاولة كوي

احس هالمكانين من اهم الاماكن في البيت و اول مكانين لازم اخلص ترتيبهم>>>هههه لا والله!!

لا،،صدق خواتي….يعني البيت مملكة الحرمه صح؟؟

و انا ابا يكون مطبخي منظم و عملي عشان يكون لي نفس اطبخ خخخخ

و الغسيل شي ضروري طبعا

ادري طولت عليكم

<<<<<<<<<انزين عطينا الزبده

خواتي خبروني اللسته اللي فوق اوكي ولا لا؟؟ و اتشوفونها ناقصه؟؟

خبروني وين اسير اتشرى اغراض

و شو النوعيات الزينه

يعني الجدور مثلا:::من اي نوعيه آخذ و من وين؟؟؟

الدلال؟؟؟

الخ الخ

و شي ثاني

اريد اسامي محلات اروم اشتري اكسسوارات المطبخ منها و تكون حلوه و اسعارها مناسبه

يعني مثلا سلة الخبز و سلة الفواكه و الموز الخ الخ

يعني الاكسسوارات اللي تكون عمليه في المطبخ و تحليه في نفس الوقت

فكرت اروح::

ماكس
دايسو
هوم سنتر

شو رايكم؟؟

في انتظاركم و ادريبكن ما بتقصرن معايه

بيت الهنا ان شاءالله

دايسو شغلاته وايد حلووووووووة للبيت انصحج تسيرينله
واسعاره بعد مناسبة بصريح العبارة "رخيص"

عندج ايكيا وبعد home r us

لو كنتي من العين " جمعية العين التعاونية " جدورهم حلوة واصلية

وها اللي اعرفه ان شاءالله الباقيات يساعدنج ..

المشاركة الأصلية كتبت بواسطة ~سوسو~

بيت الهنا ان شاءالله

دايسو شغلاته وايد حلووووووووة للبيت انصحج تسيرينله
واسعاره بعد مناسبة بصريح العبارة "رخيص"

عندج ايكيا وبعد home r us

لو كنتي من العين " جمعية العين التعاونية " جدورهم حلوة واصلية

وها اللي اعرفه ان شاءالله الباقيات يساعدنج ..

يزاج الله خير غناتيه

انا من دبي و اسير بوظبي (^^)

بشوف دايسو

انا دوم آخذ من شغلات التغليف بس ماجربت اغراض للبيت شكلي باخذ منه دام وايدين ينصحون به

و مشكوره على الرد

اولا مبروك عليج البيت حبيبتى ربى يباركلج فيه شوفى حبيبتى انا نفسج كنت ساكنه مع اهل ريلى والحين طلعت بيت بروحى من اسبوع تقريبا وبعدنى اتشرى حالاتج اول شى خديت تلفزيونات وتقريبا اغلب الاجهزه الكهربائيه من كارفور
مثل الغساله والثلاجه تلفزيونين lcd خديت فرن غاز ما عيبنى اللى عندهم خديت المكنسة والغاز من الهايبر ماركت طبعا من بوظبى والجدور احسن شى التيفال خديت شى من الكارفور وشى من الهايبر الصوانى مال الكيك وهذا اما الصحون عندج هوم سنتر وايد عندهم اغراض زينه حق المطبخ وشى بهوم ار اص الاكسسوارات والكماليات ممكن تاخدينهم من دايسو او الدراجون مول طقم دلال حصلت شى بالكارفور اييج دلتين مع بعد شكله حلو ومرتب وهم بالجمعيه مال المينا محلات عبد الكريم عنده ادوات منزليه ودلال وصوانى حلوة هذا كله طبعا ببوظبى انشاله اكون افدتج شوى واذا تذكرت شى بعد بخبرج واى استفسار حاضرين فديتج

المشاركة الأصلية كتبت بواسطة hind25

فديتج أكيد فدتيني

تباركتي ببيتج اليديد عساه بيت عامر

ان شاء الله بسير كارفور اطالع الاجهزه الالكترونيه

و محلات عبدالكريم غنيه عن التعريف اذا نزلت بوظبي بمر عليه ان شاء الله

البنات اللي عندهن خبره ان شاء الله ايفيدونج

مشكوره اختي دهن العود

اتمنى التفاعل من البنات (^_^)

ساعدوني يا خبيرات ~ تجهيز بيتي من الصفر ~

اترك تعليقاً إلغاء الرد