شحالكم حبيباتي… عساكم بخير…
نفس ما شفتو العنوان
ملجتي الأسبوع الياي… وأنا ما عارفه كيف أختار فستان…
أحس وايد محلات في راس الخيمة… بس ما أعرف شو الفستان الي يناسبني حق الملجه…
بليز بنات ساعدوني… ابا اتحرك هالاسبوع واختار لي فستان… الي الكل يتريا يشوف شكله…
وغير ها تعرفون صالون يقدر يعدلني زين في الملجه؟؟؟ أنا لين الحين حاطه في بالي صالون مورا…
وبليز إذا عندكم نصايح أو خطوات اتبعها عشان اعدل عمري هالاسبوع… عشان اطلع حلوه ومنوره في ملجتي…
وتسلمون حبايبي^^
شوفي انتي كيف ستايلج .. يعني تبغين فستان فيه وايد ششغل .. يكون منفووش .. ولا عادي .. ف ع حسب انتي كيف تبغينه …
انا من رايى مب حلو وايد منفوووش يكون يكون فيه شغل و كرستالات .. و ف نفس الوقت فيه فخامة شوي ..
عن المكياج و الشعر ما عندي فكرة بس اسمع البنات وايد يمدحون عواطف المناعي … شوفيها .. و صالون مورا مكياجهم حلو ما عليهم كلام
انا يوم ملجتيه استأجرت فستان من عند ريم لو تبين رقمها بطرشه عالخاص وهي من الشارجه بيتهم عقب حديقة الحزام الاخضر ، والميك أب عند هيفا صفر فالشارجه بعد والصرااااحه كان كل شي على مستوى من دون مجامله ^^
جان تبين الارقااام فالج طيب
والسمووحه
وللميك اب عواطف المناعي مكياجها راقي وحلو وهي من راك