مرحبا بنات انا شعري نوعيته دهنية وايطيح بالهبل ممكن اتدلوني عوصفات او زيوت اتوالم الشعر الدهني اتريا الردود.
عن تجربه والله ان الثوم اروع شيء لتساقط الشعر… بس لو مو متزوجه وتتحملي الرييييييييحه..
ان شاء الله البنات ما يقصرو…
يزاج الله خير الغالية
انا شعري دهني بس جربت هالخلطه وخف تساقطي وايد ماشاءالله
مكونه من زيت النارجيل + حبتين ثوم ( لاتكثرين منه اذا معرسه عشان مايسوي ريحه واذا مب معرسه سوي فص كامل 
) + ميراميه + حبه سودا
المهم سخنتهم وحطيتهم في غراش زجاج واستخدمه مره فالاسبوع
وماشاءالله للحين النتايج ممتاااااااازه التساقط خف بنسبه 90 %
وقالولي لو زدت الايام يعني لو اسويها مرتين او ثلاث فالاسبوع بشوف نتايج مبهره فالطول والكثافه
والله انا ابعد اعاني من نفس المشكله ولازم اغسل شعري كل يومين لان يدهن واااااايد ويسويلي قشره ويتساقط وما اعرف شو استخدم له لو تفيدونا بنات,,,يزاكم الله خير
اشكركن عالردود