ساعدوني رعاية الاطفال

السلام عليكم

خواتي ما عندي حد اشتكيله حالتي نفسيتي تعبانه انام ودموعي اتسيل واكتبلكن هلموضوع وبعد عيني ادمع ما اعرف شو اسوي ؟ خواتي انا متزوجه من سنه وكمين شهر وعندي ياهل عسى ربي يحفظه يا خواتي ريلي دارس في الخارج ويوم ملجنا خبرتني انه عنده ربع اجانب وصارحني بكل شيء بس عقب الزواج اكتشفت انه عنده اربيعه بريطانيه ويقولي انها مجرد صديقه لو كان يبيها كان اتزوجها من زمان ما كان خذني والمصيبه انها اترمسه جدامي ومب قادره ارمس محترمه الياهل الي بينا ما اريد ادمر حيات طفلي ووراني اياها صح بريطانيه بس رمستني باحترام بس ريلي يقولي لو اروحين تحت ولا فوق ما بودرها وما يبيني ادخل في حياته وكل ما يقولله ربعه شيء اي يطبق عليه ما ياكل وياه ولا ييلس ويايه ويقولي انا احبج وكل ما يرجع البيت يصرخ عليه يقولي ما تبيني اتوكلي بيت اهلج الله محلل 4 ما يفكر في الياهل ما ابي اشتت طفلي وانا وايد متعلقه فيه احبه لدرجه ما اقدر افارقه ما اعرف شو اسويله وكل ما يرجع البيت يقولي ربيعي بيتزوج علي حرمته لانها ما تعرف تطبخ ومرات يقولي اربيعه الثاني اتزوج على حرمته لانه مب مرتاح ويايها خواتي ريلي ما يظهرني مكان وفي عيد الاتحاد اشوف الكل مستانس بعيد بلاده وانا محبوسه في البيت واهو طالع ويا ربعه وخواته وايد ماثرات عليه مع انهن وايد طيبات ويايه يا خواتي انا تعبانه اقوله ابي اشوف اهلي يقولي اتروحي واتمين عندهم الويكند وعقبها اتردين ما اعرف ليج يبي الفكه مني وما يقرب صوبي وكل ما يطلب مني شيء بصراخ حتى الخدامه يبي يسفرها اونه بنيب غيرها وانا رفضت لانها محتاجه تبي تشتغل يا خواتي احس عقل ريلي غير انصحوني شو اسوي كل المستحيل سويتله اياه ابي اجذب ريلي ابيه يحبني نفس اول بينا طفل وايد افكر فيه خواتي ساعدني

.

شوفي حبيبتي .. الريال يوم يقولج ماباج والا يقولج ردي بيت اهلج … قوليله براااايك وعادي عندي
لا تحسسينه ان حياتج من غيره صعبه .. حسسيه انه عادي يخسرج

انا قريت فقصه لناعمه الهاشمي تقول اذا ريلج قالج بطلقج خلي نفسج مب مهتمه (حتى لو انتي بينج وبين نفسج تهتمين وتحبينه)
وصدقيني يوم الريال يضمن ان حرمته ما بتهده لو شو ما سوى يتمادى في تصرفاته ويتم يهدد انه بيتركها
وعن ربيعته الاجنبية .. انتي اعرفي شو حدود العلاقة بينه وبينها .. يمكن اللهم بس سوالف وسلام (صح انه ما يجوز) لكن تصرفي مع هالموضوع بحكمه
والله يهدي سركم