اشحالكم عسولات؟ عساكم بخير = )
بغيت أتخبركم.. يعني هو فضول على حب المعرفة
<<< يا ويلي ع الكلاممثلا مثلا.. وحدة تبغي تسير شهر العسل أكثر من مكان ف أوروبا
طبعا مب كل شوي بتاخذ طيارة و بتسير
شو أحسن مكان تكون متواجدة فيه من بداية الرحلة
عسب تروم تسير دول ثانية بالقطار
و كم بيكلف؟
يعني ابا هالتفاصيل = )
و طبعا ما بيرجعون نفس المكان
يعني كل دولة بيتمون فيها فترة و الدولة اللي بعدها
فكيف بيكون خط السير يعني
وشي أكيد أنج بتنزلين في مطار دولي وخذي سيارة بجارمن
وتنقلي بها بين المدن وخلي أخر محطة مدينة يكون فيها مطار دولي
وردي السيارة على نفس الشركة إللي مستأجرتنها منها في هالدولة وشي طبيعي يكون في كل مطار مكاتب تأجير سيارات لشركات عالمية يعني مب مشكلة السيارة
وإذا ما تبون سيارة خاصة ممكن تتنقلون في القطارات
ان شاء الله أكون أفدتج
هلا والله بالحلوين اللي منورين القسم 
شحالج صديقتي ؟
لج وحششه يا القاطعة ..
شو السالفة من ورانا شهر عسل و سوالف وعلوم لوول .. اعترفي
شوفي فديتج مب شرط يكون مكان محدد بس يعتمد على الدول اللي يحبون يزورونها
انا ما انصح بـ اكثر عن 3 دول Maximum عشان ما يتعبون في التنقلات و تضيع عليهم الأيام
أهم شي تختارين دول قراب من بعض و المسافات مب بعيده بينهم
يعني مثلاً مثلاً لو قلنا سويسرا و باريس و لندن ..
الوصول في مطار زيورخ و يرتاحون فيها يومين و بعدين يطلعون على انترلاكن 5 ايام
و من انترلاكن على جنيف 3 أيام مثلاً
و من جنيف لين باريس بالقطار السريع 3 ساعات ونص ..
يتمون في باريس 5 ايام و يطلعون منها على لندن تقريباً 4 ساعات
و آخر 5 ايام في لندن و بعدين ممكن يرجعون البلاد من مطار هيثرو في لندن او ياخذون الطيران الاقتصادي من لندن لين زيورخ و يرجعون من مطار زيورخ ..
بتكون الرحلة كلها 3 اسابيع تقريباً ^_^
و بالنسبة للتكاليف يعتمد على درجة الطيران و مستوى الفنادق
و بما انها رحلة شهر عسل و مره في العمر ما تتكرر يعني لازم شي راقي و على مستوى ^_*
يعني ممكن تحطين 35 الف ميزانية حق الرحلة كلها لمدة 3 اسابيع شامل التذاكر والسكن و المصاريف ( اذا السفر على الدرجة السياحية )
و عشان تقدرين تخططين الرحلة صح انصحج تستخدمين خرايط google maps وايد بتساعدج ..
ادخلي الموقع و اكتبي اسماء المدن اللي فخاطرج تزورينها و بيعطيج المسافات بينهم و بتشوفين شو الأقرب و شو الأبعد و على هالأساس بتحددين خط السير
مبروك شهل العسل مقدماً 
والخوات ما شاء الله ما خلولي اقولج شي ،، ما قصروا
واحب أأكد على أهم نقطة انج اتحددين أول شي المدن اللي تبين اتسيرينها بشرط اتكون قريبه للتنقل بالقطار
اختاري الدول إن شاء الله بنساعدج وما بنقصر وياج
^_*