اخواتي سؤالي عن ماليزيا كيف بيكون الجو اخر مارس ؟؟لانه حابه اسافرلها ؟؟
وبنتي صغيره بيكون عمرها شهرين واسبوع وقت السفر ………؟
و ياليت الي عندها اي معلومه ممكن تفيدني تكتبها لي سواء في الحجز عن طريق شركه او الاماكن او الاغراض المهمه
ناويين ان شاء الله نجلس عشر ايام
والي راحت ماليزيا عادي البس عباية او بالطو ؟؟وين بحصل هالبالطو انا من ابوظبي ؟؟
مع اني مازلت متردده بينها وبين تركيا نصيحتكم يا حلوات
جزاكن الله الف خير ع المساعده
وعادي تلبسين عباه بعد حتى لو كنتي تتغشين عادي تغشي
اعتقد بيكون الجو حلو لاني سمعت ان بالصيف عندهم شوي حر ورطوبه فاعتقد هالوقت بيكون حلو
انا سمعت عن لنكاوي انها جنان وطبعا كوالالمبور ما عرف الباقي خلي البنات يساعدونج
الله يوفقج الغلا
ماليزيا جوها استوائي يعني طول السنة نفس الشي حر ورطوبة بس حلو الجو مب ان ما يروم الواحد يقهره لا عادي وتكون الحرارة غالبا في الثلاثينات
في عدة امكان للزيارة : العاصمة كوالالمبور + جزيرة لنكاوي + جزيرة بيننغ + مرتفعات جنتنغ وغيرهم
بالنسبة للبس ماليزيا دولة مسلمة ف ما في اي اشكالية الحمدلله
الحجز اذا انتي حابه احجزوا اون لاين اخيرلكم واوفر او عن طريق شركة سياحية
وبالنسية لتركيا تراها حلوة وباردة والخيار لج عزيزتي وسفرة موفقة باذن اللله
ـ نصيحتي لج سيري تركيا الجو بيكون لطيف .. الاماكن السياحيه حلوه و اتوقع الرحله بتكون سهله ان شاء الله ويا البيبي في تركياـ و العباه فالبلدين عاادي