السلام عليكم
ممكن سوال خواتي انا بسافر نمسا وسويسرا ممكن تفيدوني عن التاشيره وين اسير اسويها وشوه الاجراءات ولازم يعني اسوي تاشيرتين ولا شوه
وثاني شي شوه تنصحوني التنقل بالسياره افضل لاني ابا سير من مدينه الين مدينه بس على راحتنا
شكرا
الغاليه
نحنا مخططين هالسنه نسير النمسا فقالولنا سوا الفيزا من سفارة ألمانيا وطالبين جواز مع صوره شخصيه بخلفية بيضا
وبخصوص التجول بالسياره احسن اذا بتأجرون سياره وحد عندكم يسوقها
غناتي الويزه سويها اوروبيه واسمها شنقن …تقدرين تسوينها من السفاره النمساويه او السويسريه واذا انتي بتسوينها بروحج وانتو مجموعه عالشخص تكلف 480 درهم واذا مكتب سياحه بيسويها ب 600 الى 700 للشخص…نحنا سويناها ب 480 للشخص مع التأمين… وخلفية الصوره بيضا مع قياسات معينه للاوروبا اللي يصورج يعرف القياس اذا قلتيله ويزه لاوروبا…وانصحج تاجرون سياره بالقارمن (القارمن اجاره غير عن السياره) يدليكم بالشوارع بالتفصيل مع المناطق السياحيه والاسواق وحتى المطاعم وعموما النمسا وسويسرا والمانيا وايد قراب من بعض وانشالله بتستانسون عالطبيعه وما بتحسون حتى بالوقت (فيينا ..زيلامسي…سالسبورج…زيورخ…لوزان…انترلاكن) كلها ع خط واحد …والله يحفظكم ويردكم سالمين…
والسموحه
والسموحه