حبيت انقل لكم تجربتي الخاصة ,,,
صار لي اسبوعين وانا اسوي بحث اخيراً طحت على خلطه زينه ..
قلت بجربها .. وان شاء الله تفيد ..
الاسباب :
1- جفاف البشرة = تعبت وانا ادور مرطب مايضرني
2- الهالات السودة
المهم لي كم يوم استخدم هالخلطة وهي لدكتور في الاعشاب وقريت وايد تجارب وجربت روحي .. بعد ماشريت المكونات …
1- زيت جنين القمح – حصلته في وايت روز اللي في مول دبي ورخيص مايتعدى 40 درهم
2-زيت اللوز المر – من عند العطار
هذي الصور متجتمعه …
يخلط بنسب متساويه ويوضع في زجاجه وتدهنين في ويهج …يومياً قبل النوم على كامل الويه والرقبه والعيون مع الاهتمام بعدم دخوله للعين …
وترقدين فيه البشرة تشربه بسرعه سبحان الله .. وتغسلينه الصبح … وحطي كريماتج العادية
ملاحظة : (زيت اللوز المر يابنات هو اللي للبشرة مب زيت اللوز الحلو ويكون لونه اصفر وريحته نفاذة شوي ) اما الحلو يكون لونه فاتح وريحته خفيفة ويستخدم لانبات الشعر … عشان جيه ماينصح به للبشرة .. فقط للشعر
لانه زيت جنين القمح يحتوي على فتامين e اللي يعيد تجديد البشرة ويحافظ عليها من التجاعيد .. ويخفف من الهالات السوده
ملاحظاتي : انه تحسين انه بشرتج ناعمه وطرية والجفاف يروح بنسبة 100% واستخدمته لاكواعي .. سبحان الله حطيته في الليل قبل لا انام ونشيت الصبح التأثير للحين .. عكس الكريمات اللي ما اكمل ساعتين الا اكواعي جافه وتضايقني …
بنجربها ان شاء الله
شكررررررررررا حبيبتي