شخباااااااااااااااركم
اكيد تعرفن زيت الخروع الي تشربه الحامل يوم تحس بويع ولاده عشان يسهل الولاده ويحميها ..
انا ماقد جربت بس بغيت اجربه.. وقلت لازم اشاوركن قبل ماسوي شي
انا باقي عن ولادتي 8 ايام واصراحه خلاص تعبت من هالحمل الثقيل متعبني وايد وصلت حدي خلاص ابا اربي
ف شورايكن اتوكل على الله واشربه اليوم عشآآن اربي بسرعه..؟
ولا اتريا لين اكمل ال8 ايام وعقب اشربه.؟
انا سمعت بعد انه يمشي البطن الي تعرف اي شي عن زيت الخروع ولها تجارب وياه تخبرني..
واذا يضر بعد خبروني عشان ماسوي شي يضرني..
ومشكورات ^^
أنا بصراحه من يدقني الويع أشرب منه وبخبركم قصتي في حملي الأول خواتي ما خبرني بالكمية اللي أشربها قالوا لي إشربي خروع وبس … أنا الفقيرة من دقني الويع دردعت غرشة خروع كااااااااملة بدون ما أخلطه بعصير أو أي شئ مثل ما خواتي يسون وخرطلي بطني خرااااط زين ما ربيت في البيت ههههههه
الغالية في بعض من الحريم ما يستحمل الخروع ويتم يسير لهم بطنهم لين حزة الولادة وطبعا مش حلوة إنتي يالسه تطلقين وكل ساعة تبين تسيرين الحمام … إنتي إشربيه قبل موعدج بكمن يوم عشان يتم بطنج نظيف لين حزة ولادتج بإذن الله والله يقومج بالسلامة ….
يعني بعدني اتريا كم يوم زياده..؟
بالنسبه لزيت الخروع يسهل الولاده وايد
أنا شربته فاليل نص الغرشه خلطته مع عصير برتقال
واليوم الثاني حسيت بألم في بطني أول شي طبعا أسهال وبعدين نزل علي ماي مال البيبي
وتقريبا خلال ثلاث ساعات كان ولدي بين أيدي
أن شاء الله أكون نفعتج
والله يسهل عليج
فالثاني يوم عيزت وبغيت اربي…والحمدلله نفس الشي ما بطيت
وبتلقين زيت الخروع انوااع فالصيدليه خذيلج النكهة الي انتي تحبينها عشان لا ترجعين وخلطيها فشاي او عصير
وربي يسهل عليج ويقومج بالسلامه