زيت الاركان ,, العكر الفاسي ,, عشبة الدادا حل المشكلة

السلام عليكم ورحمة الله وبركاتة

الغاليات كثير منا سمع عن زيت الاركان و العكر الفاسي وعشبة الدادا و ,, الطين المغربي

وكثير منا الي جرب

حبيت ان هل موضوع يكون ملف كامل عنهم

انا الصراحة في خاطري اتعرف اكثر وودي اشتريهم بس مترردة

ممكن يا الغاليات الي جربتهم او جربت واحد منهم

ان تنصحنا

يعني شو الفااااااااااااايدة ؟؟؟؟؟؟؟

او هل لة ضرر

هل لة اعراض جانبية

والله يعطيكم الصحة والعافية

انا اللي قريته ف مواضيع التاجرات اللي يبيعن سوالف الحمام المغربي ,, ان عشبة الدادا مضرره ولازم ماتكون جريبه من العين ,,

وبس الباجي ماعنديه خلفيه عنه ^^

الله يوفجج اختيه

للرفع

انا عندي خلفيه عن العكر الفاسي وعشبه الداد

العكر الفاسي هي ماده من فوايدهاا تورد الجسم وتكسب البشره نضاره والمغربيات يسمونه دم الغزال وهو لونه من لون الزعفران.احمرر وفي اكثر من خلطه تقدرين تستفيدين منه..

الاولى عطر فاسي مع زعفران مع ماء ورد ماسك تحطينه قبل النوم وتنامين به( نقطه صغيره من العكر الفاسي مع حفنه صغيره من الزعفران في فنيال وتحطين فوقهم ماء الورد)

الثانيه.. تحطينه في كريم النيفيا الازرق العلبه اللي تقدرين تفتحينهاا الدائريه وتخلطينه زين وتدهين ويهج قبل النوم

والخلطه الاخير تستخدمينهااا بعد الحمام يعني بعد ما تتفركين وتخلصين تكون اخر مرحله تحطينها ع جسمج لمدة ربع ساعه وبعدين تغسلينهااا بماء

الثالثه.. لتعطير وتوريد الجسم.. طبعا كل اللي بذكره اعشاب مغربيه.. ( خزامي +ورد+عكر فاسي+ عصير ليمون) وشوي ماي تسوينه مثل العجينه السائلة وتفركين به الجسم ..

وبالنسبه للداد عندي خلطة وحده بس

حنا للجسم +عصير ليمونه تخلطينهم ويا بعض وبعدين الداد تكونين صابه عليه ماء حار ومخلتنه فتره وتخلطينه مع الحنا.. تحطينه من الرقبه وتحت ما تقربيه للويه ابدااا ( وتخلينه ع الجسم 20 دقيقه) ومن فوايده كثره استخدامه تخلي جسمج ابيض وتشل سواد الرقبه والاباط وبين الفخدين وبتحسين بالبياض من اول استخدام.. واللي عندهاا جروح ما تقربه صوب الجرح..اتمني اني افدتكم ولوو عندكم اي استفسارات حاضرين..

ملكية

تسلمين حبيبتي وما قصرتي ^_^

ورد الجنة
مشكووووورة على الرفع ربي يرفع من مقامج

الياسية مشكووووووووووورة حبيبتي والله وما قصرتي ^_^ انتي تستخدمينهم هل انواع

انا سمعت عن فوائد حلوة للعكر الفاسي بس عشبة الدادا خوفونا منها

بنات محد استخدم زيت الاركان و الغاسول ( الطين المغربي )؟؟؟؟؟؟؟؟؟؟؟؟؟؟؟؟؟؟؟؟

انا استخدمت في الحمام المغربي خلطته مع الصابون المغربي .. العكر الفاسي او دم الغزال ..

صح يفتح نفس الوقت بس له مضار اختي // ولازم انصحج بمضاره عشان تعرفين وتكونين على علم ويقين . وما ينحط على الجسم فترة طويلة ..

واسمها عشبة : الداد وانا سالت مغربية عنها .. وقالت ما نتركها على الجسم فترة طويلة ..

اما زيت الاركان ما اعرفه بصراحة .. بس الغسول المغربي مفيد للبشرة بصراحة .. والغسول اليمني افضل مليون مرة

والغسول اليمني افضل مليون مرة

ممكن نعرف اكثر عنه؟

زيت الاركااان…الكل يتخبل عليه اصلاااا….مفيد لتجاعيد الجسم..وتنعيم الشعر

وسموحة…