زوجي يخوني المومة و الطفل

لا حول ولا قوة إلا بالله العلي العظيم

أختي جربتي تكلمين حد من أهله ؟

يكون عاقل وفاهم وحكيم

ويعرف يتصرف في مثل هالمواقف

واذا مانفع كلمي حد من أهلج أنتي يكلمــه ..

وحاولي أختي لا تعبين عمرج

أهم شي الحين انتي والبيبي ..

ريلـج ماعليج منه

لا تعصبين وتعبين صحتج وانتي في هذي الظروف

أنا لو منج فعلا ما بستوي أفكر فيه

بشغل عمري بشي يفيدني وبكلم أهلي بخليهم يكلمونه

وأريح اعصابي ما يسوى علي ^_^

لين أختي تربين وترتاحين

وهداك الوقت تقدرين تقعدين وياه جلسة مصارحـة توصلون فيها لحلول

يمكن هو مب من النوع الي يتحمل بعد الحرمـة أختي

تقدرين تقترحين التعدد .. أدري انه قرار مب سهل

لكن الحلال أحسن عن الحرام !

أو يمكن في تقصير منج هو مستحي يخبرج

خلكم صريحين وجديين بدون انفعالات ولا دراما عسب تطلعون من الحوار بنتيجـة فعالـة

وعليج أختي في هالايام بالدعاء الدعاء الدعاء

ادعي رب العالمين يسخره لج

ويوم تشوفينه استودعيه الله

واكثري من الإستغفار في الصبح والظهر والعصر وقبل النوم متى ماقدرتي ..

وخلي جنبج مصحف بالمستشفــى أختي آنسي وحدتج بالقرب من الله

واستعيني بالله هو خير معين

( قُلْ يَا أَيُّهَا النَّاسُ قَدْ جَاءَكُمُ الْحَقُّ مِنْ رَبِّكُمْ فَمَنِ اهْتَدَى فَإِنَّمَا يَهْتَدِي لِنَفْسِهِ وَمَنْ ضَلَّ فَإِنَّمَا يَضِلُّ عَلَيْهَا وَمَا أَنَا عَلَيْكُمْ بِوَكِيلٍ (108)).