زوجي والحبيب السابق أو غلطة المراهقه والمستقبل عالم الامومة

السلام عليكم

حابه اطلع الي فقلبي
أنا الحين مالجه من فتره بسيطه وقبل لا امتلك كنت مع علاقه مع ربيع ريلي بسميها غلطة عمري كنت صغيره وابئ أعيش شيء اسمه حب مثل باقي البنات بس للأسف غلطة هالغلطه مع إنسان ما حبني ؤانا اعترف بهالغلطه ؤالشاهد الله أن ندمت وودرت هالأنسان ؤريلي يعرف عن علاقتي ب ربيعه قبل لا أيي يخطبني وعلاقتي مع ربيعه ما عدت التيلفون وكان ف فتره بسيطه والله كلما أتذكر هالشي أكره عمري أقول كيف سلمت قلبي ومشاعري ل إنسان ما يحبني ولا يستأهلني وكان بس يحب يلعب ع البنات ويقصص عليهن المهم هالغلطه أن تبت منها وودرت هالأنسان بعدها بسنه ربيعه جأ وخطبني وملجنا ومدري إذا هذاك الشخص يعرف أن آلي تزوجها ربيعه أنا / الحين ريلي حب يساعد ربيعه ووظفه ف الشركه عنده لأنه عاطل باطل ؤهالشي مخوفني شوي يعني يمكن تقوا علاقتهم وترجع نفس قبل لأنهم كل يوم يشوفون بعض واخاف هالشي ياثر بعلاقتي مع ريلي الحين مدري متخوفه وايد أخاف حب ريلي يقل لأن دوم بيشوفه وبيتذكر غلطتي وياه وفنفس الوقت استحي أسأل ريلي إذا فلان يعرف انك خذيتني أنا / يا رب أبعد عني كل مكروه واسترني بسترك مابي أتطلق ولا تضيع علاقتي مع ريلي بسبت هالشخص إلي صار ماضي وغلطه اعترف فيها واحيانن أقول يمكن أنا غلطت يوم اخترت هالأنسان يكون شريك حياتي واحيانن أقول لا يمكن هو الشخص المناسب لأن يعرف عن ماضيي ويعرف أن معدني نظيف وواثق فيني …

الغاليه طبعا ما بقول لج ان علاقتج القبليه غلط و حرام لانج عرفتي هالشي و قطعتيها و تبتي و الله سبحانه و تعالى يقبل توبة العبد خلاص انتي تبتي و الله يقبل توبتج ان شاء الله

ثاني شي ريلج خطبج و ملج عليج و هو يعرف ماضيج و متاكد انج قطعتي علاقتج بربيعه و يوم بتعيشين وياه بيشوف اخلاقج و بيعرف هالشي كان نوه و بيحن قلبه عليج
لا تشغلين بالج بهالموضوع لانج بتعيشين بتعاسه..خلي الامور طبيعيه و صلي و ادعي و ان شاء الله ربي ما بيخيب رجاج

حبيبتي ليش تحاتين وتخافين … ريلج يدري بكل شي .. وهو يدري انج زينه .. عشان جي خذج
و مايخصه لو شاف ربيعه بيتذكر او مابيتذكر
هو لو من هالنوع جان ماخذج من الأساس
استغفري واذكري ربج ولا تيلسين توسوسين .. هذا نصيبج والحمدلله

لاتسبقين الأحداث وتعيشين نفسج بهوم ان شالله مافي شي
وبعدين ريلج لو يتحسس منه ماكان ساعده ووقف معاه

بعد في شيء مضايقني ومخوفني من المستقبل غير هذيج السالفه أن أهل ريلي يعني خوأتع وحريم إخوانه كلهم ما شاء الله متشددين ف الدين يعني مطاوعه ؤاايد ما شاء الله عليهم ؤانا عكس يعني شوي فري يعني مثلن هم حريمهم ما يداومون ف مكان مختلط ؤانا أداؤم ف مكان مختلط وهم دوم يزنون ع رأس ريلي عشأن هالسالفه بس هو صحيح المكان مختلط بس علاقتي ويا الموظفين ف حدود الشغل بس وبعد أن أنا عادي ما البس نقاب والبس عباه عاديه ف الدوام ؤالسوق يعني الي فيهن شغل خفيف وهم ما شاء الله عليهم نقابات وعبي ودلاغات حلو الحرمه تصير جي بس أنا مابئ أحب أكون محتشمه وما ألفت النظر وفحدود المعقول وهم دوم يكلمون ريلي عن دوامي وليش ما البس نقاب وهو يسمعلهم وايد واحس هو عادي عنده بس يباني إسوي هالشي عشأن خاطرهم أتمنى أقنعه أن هائ حياتنا ونحن نعيشها بكيفنا بس هو ؤاايد يسويلهم سالفه ودوم يفكر ف نظرتهم له وشو بيقولون. وما يقتنع بكلامي عسب جي ؤاايد متخوفه من قدام لما بكون ف بيتهم أخاف دوم يعلقون ع لبسي وشو سويت وشو ما سويت واااايد متخوفه م المستقبل بس عسى الله يكتبلي الخير فكل أموري ..

بالتوفيق بارك الله لكي
يدا زوجك يحبك ما يهمه شي الله يديم المحبه لله

الغاليه

انتي الحين تحاتين لان خواته و حريم اخوانه يلبسون نقاب و دلاغات و و و

لا حبيبتي لا تنظرين للموضوع بهالنظره السوداويه ليش ما تتفائلين..يمكن تكون نقله فحياتج و يمكن تلتزمين اكثر فالدين و هالشي حلو مش شي سيء

بس اهم شي اذا بتسوين شي سويه خالص لوجه الله ثم ارضاء لريلج هب لانهم هم يزنون فوق راسه و هو يبى يرضيهم