بنات راح احكيلكم مشكلتي وان شاء الله تساعدوني
انا جزائرية وراح تكون لهجتي شوية غريبة عليكم راح اكتب واوضحلكم على قد ما اقدر عشان تفهمونيو ان شاء الله القا عندكم حل
انا مخطوبة وباقي فقط العرس يعني مسويين العقد المدني والشرعي فهمتوني؟؟؟؟
يعني زوجته شرعا وقانونا باقي الا العرس بس انا عاملة وزوجي صار يطالبني كل شهر اني اقولة على فلوسي وين اصرفها
يعني هاذي فلوسي وانا حرة فيها اصرفها وين احب بس هوا لااااا
قال لازم تشاوريني يعني تعلميني بكل شي
يعني اي يوم تروحين تسحبين فلوس وشو عم تصرفي وكيف وليش…………..
اففففففففففففف فديت انا هاذي فلوسي وانا حرة فيها يا خوي ليش لازم اقولك
واليوم تهاوشنا بسبببها قال ليش سحبتي فلوس وما خبرتيني انا قلتلها انا حرة اسحبها وقت ما اريد
هوا حقيقة ما يعطيني مصروف ضروفة شوية مو حلوة وعنده دين انا مقدرة الضروف وما اطالبه بمصروف ابدا واصرف من معاشي ليه يعاملني كذا
ويقول انتي مرتي وعندي حق اعرف كل شي والله هلكني
شو اعمل معاه اعطوني حل
يعني لازم يعرفي شو اسوي بفلوسي عنده حق فيها؟؟؟؟؟؟؟؟
بس انا الي بتعب واجيبها ليش لازم يعرف هاي حقي انا
والمشكلة الثانية احنا قررنا نطلع مشوار وقال انتي الي تصرفي ذاك اليوم انا ما عندي يعني انا الي اغديه واصرف عليه بالمشوار والله مو طبيعي انا حسيت كلامه عيب مو كلام رجال ولا انا غلطانة شو رايكم؟؟؟؟؟؟؟؟؟؟؟؟
اعصابج حبيبتي ،،
انزين عادي خبريه هو صح مب لازم كل مره تقولين له ف شو صرفتيها
بس عادي مايمنع اني اقوله ،،
يعني حرام يمكن وده يحس معاج بشعور الزوج وزوجته ،،
انتي شوفي ردي عليه مره مرتين وثلاث بعدين هو من نفسه ما بيسأل ،،
بالنسبه للموقف الثاني ،،
انتي تقولين ظروفه صعبه وعليه ديون
يمكن وقت الطلعه حليله ماكان عنده شي ،،
انا مب واقفه معاه ضدج لا
هالشي غلط يوم يخليج انتي تدفعين له
بس انتي صارحيه باسلوب حلو وخبريه انج استغربتي من كلامه
وافهمي منه شو بيقول فديتج ،،
الله يوفقكم ويسعدكم ان شاءالله 
نصيحة مني اختي انج ما تقولين له في شو تصرفين فلوسج لأنج تتعبين عليها وهو كرجل من واجبه ما يسأل وانما عليه يتكفل بمصاريفج الملزومة منه وبخصوص انه ظروفه صعبة وعنده دين ساعديه بمبلغ بسيط من غير ما يدري كم عندج لأنه لو عرف كم عندج بصير يطلب منج كل مرة وبالتالي يعتمد عليج اعتماد كلي وما يصرف من عنده
وما فيها شي لو ساعدتيه شوي بالمصروف مب كل طلعه انتي تصرفين
اذا قال لج وين صرفتي فلوسج ردي عليه : فلوسي اصرفها بالحلال مو بالحرام عشان تعاتبني ليش صرفتي او ماخبرتييني ثاني شي لاتحسسني انك مادي وتهتم بلفلوس الي هي أساسا مو فلوسك وثالث شي المفروض انا أطالب بمصروفي الشهري منك لأنك ملزم فيني
عطاري الطلعه : غلطتي لما دفعتي للغدا الحرمة ماتدفع حق الطلعه حتى لو الريال ماعنده الا اذا كان بدون طلب من الزوج يعني من طيب اصلج حبيتي تدفعين الصراحه عيب يقول لج ماعندي وانتي دفعي موحلوة بحقه ك رجل
لانه مع الأيام كل مايفلس يخليج إنتي تدفعين .. عيل شو فايدة الزوج الحين
هذا الكلام ماطلعه من مخي لا في كتب مال اجانب كثيرة اقرأها تقول ان لما ايبون الفاتورة سوي عمرج عاديه وخليه هو يدفع أصلا أساسا غلط لما الحرمة تدفع عن الريال لو حتى مرة !
أنتي قدمتي طلب نساعدج أنا بقول اللي عندي
الحينة هو ريلج مهتم فيج ومن حقه يسأل صح لكن يسأل عن أمور المادية في نظري غلط
هو صح مصخها بس شيء رياييل ثانيين لو تشوفين البرود والإهمال لحريمهم بتقولين الحمدلله على كل حال
أنتي قعدي معاه وسايسيه وخذيه بالطيب لا تقعدين تقولين من حقي ومصروفي و و ..
أكيد هو يعرف هذا الشيء ماله داعي تكررين نفس الكلام وبيقول إذا هي من الحينة
تقولي مصروفي وبعدين بتقول معاشي وصدقيني لو أنتي تظنين أن كلامج ما يأثر فيه
أنا بقولج غلطانة دامج زوجته وعايشة معاه أكيد بيتأثر وبيتضايق في منهم مايبينون هذا الشيء
عسب يحافظون ع بيتهم لكن شيء منهم عصبيين وعلى طول بيعق الغلط عليج عسب مايخدش كرامته
كلميه بالطيب والراض بينفع .. غير جي صدقيني العصبية مابتنفع معاه
لو عاندتيه بيعاندج وأنتي ما تبين هالشيء يصير .. ولو كان بعده مصر ويعصب على أتفه الأسباب بقولج كوني حازمة
بس لا تتسرعين في تغيير أسلوبج معاه .. ترى الريال ما ينسى وعادي يجوف مدى صبرج للأمور
وبيقول هاي مادية لكن أنتي لا .. أبسط طريقة راعيه وقوليله أنا حرمة لازم أشتري من السوق
وأهتم فالبيت وفي نفسي .. قوليله الله الرازق لا تحاتي .. ليش أحرم نفسي ترى الفلوس أتي وتروح
وأنتي لو بتدلعين عمرج دلعيه وياج خذيله لو شيء بسيط قمصان ولا عطور أو ساعة عسب ما يقول هاي أنانية
.. وشيء منهم يخلون حريمهم يفنشن 
كـ تأديب