بنات انا مصدومة والافكار متضاربة عندي وموب مصدقة الكلام اللي سمعته البارحة وانا وريلي ندردش قالي بخبرج شي بس اخافج تزعلين قلتله قول حياااتي انا مستحيل ازعل منك قال بس لا تفهمين غلط شي وصار بس لازم اخبرج قلتله قول وانا قلبي ايدق بسرعة قالي يوم من الايام وانتي كنتي في بيت اهلج زقرت الشغالة وقلتلها سويلي مساااج وسوت لي وانا طايح على بطني ويوم خلصت قلتلها لا تخبري المدام وفي اليوم الثاني زقرتها لكن هي ما رضت وقالت سوري سير بنات انا من البارحة مصدومة من الكلام وقلبي ايعورني وحااااسة الدنيا سودة بويهي انا كنت اثق بريلي ثقة عمياااء وبعدين ريلي من النوع البيتوتي واحب اليهال وما مقصر معانا وما عنده الخربطان ليش شي سوى انا غبية والا شو او انا مغفلة والله موب عارفة مع اني الشغالة كملت عندي سنتين والحين بتسافر وبترجع وعمري ما مسكت عليها زلة او اني اثق بريلي ثقة زايدة عن الحد انا موب عارفة انا وريلي عايشين عيشة حلوة والحمد لله ما عندنا مشاكل وننعم باستقرار اسري بس بعد هذا الكلام احس اشياء وايد راح تتغير وحلفته بس مسااج والا صار شي ثاني حلف وقاال والله بس مساااج وانا احتقرت نفسي يوم الشغالة رفضت في المرة الثانية بنات فهموني شو الصح شو الغلط ليش ريلي سوى شي وبعدين الشغالة اسفرها والا لا اواجهها والا لا اسامح ريلي والا لا اخبر اهلي اسوي مشاكل موب عارفة شو الحل صدق الافكار متضاربة عندي واحس اني في حلم
واايد فضيع ريلج الصراحه .. !! الله يعينج اختيي ما اعرف شقول ولله .. صدق صدمه .. !
شوفي فديتج
صح إنه الخدامة رفضت المرة الثانية إنها تسوي له.. بس تسترت عليه.. يعني لا سمح الله إذا مرة ثانية شافته يايب وحدة البيت وقال لها لا تخبرين مدام ما بتخبر…
والشي الثاني.. كيف تخلين ريلج والخدامة رواحهم في البيت؟
ثالث شي… انتي مقصرة مع ريلج في المساج؟؟
رابع شي.. ماحد لازم يدري عن اللي صار.. مثل ما انتي تحتقرينه غيرج بيحتقره.. وممكن تكون فترة زعل وغصة وتزول.. بس الناس إذا خبرتيهم بيتمون طول العمر يذكرونج.. وكلما صار بينكم شي بيذكرونج بزلته.. يعني بيحسسونج إنه ريلج مب شي..
هو وثق فيج وخبرج.. يعني الخدامة ما نطقت.. اتين انتي حرمته أمينة أسراره تفضحينه؟
استهدي بالله حبيبتي.. ولا تخلين ريلج طول..
هالمرة الخدامة رفضت.. المرة الياية إذا يبتي خدامة يديدة يمكن هي اللي تغويه..
وانتي سوي مساج لريلج عشان ما يلجأ للخدامة.. وذكريه بأنه حرام تلمسه.. ولا يرضى إنه الدريول يسوي لج مساج؟؟
سمحي ليه ع هالكلمة.. بس داااايما الرياييل عادي عندهم الخدامة تسوي لهم مساج وبديكير.. بس ينقهرون لو بالغلط ضرب ايد الدريول في الحرمة..
تراه نفس الشي.. في كلتا الحالتين حرام..
وإن شاء الله يا ربي هالغصة اللي في قلبج تزول بسرعة وربي يهنيكم مع بعض..
هلا الغاليه دام هو يا وصارحج خلاص اكتمي حزنج في قلبج لنه صارحج لو ريال ثاني ما بيرمس صدقيني اكسبي ثقته فيج ويا وخبرج وعن الخدامه لو هيه فارطه يا ختيه جان يته مره ثانيه وسوتله بس ما طاعت تراها يعني ما غلطت حليلها هيه عبدن مأمور انتي سيري فهميها انج دريتي عن سالفه المساج وقوليله مره ثانيه مابا ها الشي يتكرر ولا تهدمين بيتج الغاليه على شي مضى وستوى خلاص انتي سيري قوليله انا بصارحك بشي انا زعلت منك اشويه عشان سويت ها الشي من ورايه جان قتلي انا بسويلك المساج واحلى مساج بعد جي رمسيه لا تاخذين الموضوع بزعل وحساسيه وتخلينه يندم انه قالج والله يسعدج ولا تخربين الاستقرار لي انتي فيه تحياتي لج
بصراحه ماادري شو اقولج بس ريلج غلطاااااااااااااان شو مساج وخرابيط لو يبا مساج يخبرج انتي تسويله انا انصحج انج تخبريه لو تبا شي خبرني ماتخبر الشغاله ومايخصيك فيها ابد
والشغاله طلعت زينه ماطعت مره ثانيه خليها عندج شغاله غيرها الله يعينا شو كانت سويت عند ريلج من اغراء الله يعينج
الله ايسر امرج اختي بس انا احس انه ما خبرج الا انه خايف ان الخدامة تفتن عليه لانها رفضته في المرة الثانية..اختي الشيطان يسري ببني أدم مسرى الدم و كل انسان يغلط و رب العالمين يسامح فما بالج فينا احنا البشر..وعلشان الحياة الزوجية تستمر لازم نقدم وايد تنازلات خصوصا انج قلتي انه هاي اول مره نزخين عليه شي ..فهني انا اقولج سامحيه بس هذا مب معناته انج تحسسينه انج سامحتيه بكل سهوله لااا كوني حازمة وياه و قوليله انه هالشي صدمج فيه و انه سبب لج جرح وووووو..الخ..
حاولي تدورين ع السبب اللي خلاه يسوي هالشي..يمكن هو فعلا محتاج مساج و انتي مقصره عليه..او يمكن مثل ما انتي قلتي هو انسان بيتوتي و انتي تطلعين لساعات طويلة و يقعد هو بروحه باليت و طبعا يلعب الشيطان براسه..زيدي اهتمامج فيه فديتج و حاولي دوم تشغلينه فيج و باليهال..
آخر شي بغيت انهج عليه هو انج لا تجددين للخدامه سفريها احسن لانج صدقيني ما بترومين تطالعين بويها و بعد هاذيل ما منهم امان عادي باجر تسير تخبرحد برع البيت او انه الشيطان يلعب براسها هي الثانيه و تحاول تغوي ريلج خصوصا انه كان فاتح لها المجال..
اختي اسرار بيتج ابدا ابدا لا تحاولي توصلينها لاهلج الا اذا كانت اشياء وايد عوده كالضرب و بلاوي ثانيه ما ينصبر عليها..لان الاهل مهما يكون بيتمون شايلين بقلوبهم و ما بينسون حتى لو انتي نسيتي..
الله ايسر امورج و يفرجها عليج فديتج.
يالله شو هذا الله يعينج انزين يوم يبا مساج يقولج انتي تسويله ما يروح يقول حق الخدامة حبيبتي جابلي بيتج وريلج لا تقصرين معاه خاص بالاشياء اللي يحبها
والخدامة ما اعرف شو اقولج تسويبها بس الله يعينك
وهو زين انه خبرج