انا قصتي بكل اختصار ما خليت شي ما يربته لا رجيم ولا رياضه ولا جيم
يربت كل شي والنتيجة اضعف وارد امتن وعهالحال
وكل فتره اريب رجيم ولا شي ناسبني
الا رجيم واحد تبون تعرفون شوووو
…
…
…
رجيمي العجيب…قلت بجرب اسبوع وجربت وانصدمت بالنتيجه
والله ان كل حد لاحظ والعاده ما يلاحظون الا عقب ما كمن اسبوع
ادري فيكم فضول تعرفون شو رجيمي العجيب
رجيمي العجيب سميته الرجيم الثلاثي وطبعا هو من مخي
المهم…رجيمي اني كل 3 ساعات اكل شي… بقولكم يوم من ايام الرجيم كيف
الصبح انش اشرب دبه ماي وعقب ساعه اكل بيضة ويا سلايس جبن طبعا سلايس اسمر
ويا عصير جريب فروت ووعقب 3 ساعات خيار وعقب 3 ساعات سلايس جبن ويا تونة
وعقب 3 ساعات تفاحة وعقب 3 ساعات سلطة وعقب 3 ساعات حليب خالي من الدسم
وفليل قبل لا ارقد 3 أكوب شاي اخضر و فاليوم تقريبا 3 دبات مسافي ماي ويا شويه رياضة
وتدرون كم نزلني فاسبوع؟؟؟…اول مره والله….نزلني 3 كيلوات
انا هالفكره يتني من رقم 3 لاني احبه وايد…وقلت بيرب يمكن يستوي شي عجيب
وبس…حبيبت اشارككم تجربتي وبقولكم هالاسبوع كم نزلت
واذا في اي استفسار حياكم…وياريت اللي تجربه وينزل وزنها تدعي لي بس ان ربي يوفقني ويرزقني
والسموحه جان طولت عليكم
الاكل يهون في سبيل الرشاقه ^^
وان شاء الله بجرب هاد الرجيم بعد العيد
و مبروك ع النزول