السلام عليكم و رحمة الله و بركاته
مرحبا بنات شحالكن ^_^
انا ببدا رجيم من بكرا ان شاء الله
تاريخ 5 اكتوبر
:::
بتبع رجيم شفته هنيه في المدونة
11 كيلو في 9 ايام
و الرجيم عبارة عن
اول 3 ايام : بطاطس مفورة
ثاني 3 ايام: برتقال
ثالث 3 ايام: روب مقشود او قليل الدسم
و الرياضه : المشي مب اقل من ساعه يوميا ما عدا الخميس و الجمعه
انا ما اعتقد اني بنزل ال 11 كيلو
بس راضيه ب 5 كيلو
:::
ليش هالرجيم بالذات :
انا من 3 سنوات اسوي رجيمات جربت كل شي لين سويت الكيميائي كذا مرة
و خلاص احس جسمي ما يتقبل اي رجيم الا لو كان اقسى من القاسي ^_*
او مشي مستمر اقل شي 4-5 مرات في الاسبوع
جربت التمر و الحليب و جربت الفواكه و البروتيني
كله نفع وياي الحمد لله لكن بعد الواحد يغير
حتى يوم كنت اوقف رجيم كنت اوازن اكلي اكل اللي في خاطريه بس بتوازن و ما ازيد واايد بالكثير 3 كيلو
كيف كنت اوزان :
كنت احسب كم كلوري كلت اليوم و كيف احرق الزياده
يعني انا اعرف كم معدل الحرق في جسمي ( سويت تست مرة عند نيوترا سليم)
و احاول اكل اقل من جيه
او اني اكل اكل من غير دسم بس فيه سعرات حراريه تكون عاديه
:::
من انا ياهل كنت متينه
ما تهنيت في اللبس ابدا و دوم حساسه و غير عن الكل و الكل ينغزني
لين قبل 3 سنوات كان وزني اعلى وزن وصلت له 77 كيلو و الحمد لله نزلته كنت في البدايه انزل و اطلع لين ثبتته
:::
طولي : 156
وزني: 62 كيلو
الهدف: 55 كيلو
:::
و ان شاء الله بحط صور لوجباتي و بخبركن شو سويت بالتفصيل
و ان شاء الله ما تروح الهمة و العزيمه
لأنه من امتن يخترب جوي و اكتئب
:::
و دعوااتكن
^_^
وان شاء الله توصلين للوزن اللي تبغيه
بس احس الرجيم واااايد صعب أقصد اذا عودتي جسمج ع الحرمان مابينزل بيسوي مناعه ..
متابعه لك ان شاء الله
ع العموم أتمنالج التوفيق و شدي حيلج
وانشاء الله تنزلين وتوصلين للوزن المثالي
اهم شي تسوين رجيم اتكوني مرتاااحه له
عشان تنتظمي بتوفيق
وربي يحقق لج لي تبين