راس البيبي وايد نازل وانا ف السابع لصحتك

السلام عليكم. اليوم كملت تسعه وعشرين اسبوع وبالصدفه كان موعدي ليوم والدكتوره سوتلي سونار وطلع راس البيبي نازل وايد وخافت وعطول قالت لازم نشوف اذا الرحم فاتح ولا لا. وفحصوني وطلع مب فاتح الحمدلله لكن قالتلي اي ويع مثل ويع الدوره ع طول روحي الولاده حتى لو خفيف. الحين انا مب عارفه ش اسوي مايصير بعد كل ماياني ويع خفيف رحت المستشفى لنه اصلا من اربع ايام اييني ويع يروح ويرد. ويعد خايفه وايد اني اربي وانا ف السابع لنه ها اول بيبي لي في حد صارلها جيه وربت وكملت للتاسعع …ولا منو منكم رربت ف السابع وبشو حست دعواتككككم من رديت ونا افكر احس راسي بينفجر

لازم تريحين نفسج وما تتحركين حاولي تمين منسدحه طول الوقت

واذا ياج ويع لا تستهينين فيه روحي عطول الطواري
ولا تخافين من الولاده وثقي بان ربج عطاج اياه وهو خير الحافظين له
والحين موجود اجهزه وحضانات متطوره فلا تخافين

ما قالت لج الدكتوره كم وزن البيبي

هلا كروشات
اصلن البعض ينزل راس البيبي من السابع
انا الحين يالسابع والراس احسه تحت والام الدورة من اسبوعين يمكن فيه بس يالليل تجينى حتى حملى القبلي كذا والحمد لله كملت لين التاسع
بعض الدكاترة يخووفون لنهم يمكن ماعندهم معرفة كفاية
بس انتى تقولين اول حمل لج يمكن حالتج غير والله اعلم
الله يتمم حملج ويقومج بالسلامة

كانت عندج مشاكل قبل توصلين الشهر السابع ؟ ولا فجاة؟
عموما الله يثبته لج يارب..

عادي حبيبتي ،،
بس انتي رييحي ولا تتحركين وايد
على قد ماتقدرين ريحي عمرج احسن لحالتج ،،

ومثل ماقالت الاخت الحمدلله كل شي متطور
والحضانات الحين احسن عن قبل الحمدلله ،،
ابد لا تحاتين غناتي ،، الله يسهل عليج يارب

حبيبتي انا راس الياهل نزل من السابع وكملت لين اخر الثامن اول يوم التاسع دقني الويع وربيت
بس استوا العكس بدال ما ينزل الياهل اعترض بس بالاخير ربيت طبيعي لله الحمد
الدكتورة يوم كانت اتشوفني في السابع قالتلي شكلج مول ما بتكملين التاسع لو دخلتيه يمكن تدخلينهً مال اسبوع بس انا ربيت اول التاسع
لا تخافين حبيبتي والاوياع لازم بتييج هاي يسمونها منان الطلق شي ثاني
دام الرحم مسكر لا تخافين
الله يقومج بسلامه ويسهل عليج

ربي يسهل عليج ويتمملج حملج ع خير