هلا خواتي
كيف حالكن
الصراحة خواتي عندي عدة اسئلة حابة اسألكن اياها
خواتي اول شي
ولو اني محرجة شوي من الاسئلة
اريد من كل اخت تكتب لي كيف اقدر اهتم بنفسي كيف اقدر اكون نظيفة
تخطر لي اوقات وايلس افكر فيكن خواتي واقول ماشالله عليهن خواتي بنات المدونة مهتمات
في انفسهن من خلال مواضيعكن في المدونة
وحابةاعرف كيف الوحدة تهتم في نفسها في ريحتها وفي كشختها جدام الناس وخاصة نحن ناس ملتزمين
وبين اهل ريلي
كيف تكونين حلوة جدام ريلج
وكيف تهتمين في نظافتج وريحتج وكشختج
******************************
وشؤالي الثاني
عندي مشكلة وهو انه عندي مناطق في جسم (الابط) شو اسمر
:1 (35):
ما ادري مع انه جسمي ابيض ومربرب وناعم الا انه فيه اماكن غامقة
واريد خواتي اعرف كيف اهتم في بشرتي واحافظ عليها
*******************:1 (35):
محتاجة ردكن
وانتظر مشاركاتكن
يزاكم الله الف خير
زعلت
وانا طالبتكن
شحالج فديتج …
لا تزعلين ولا شي .. يمكن الزيارات كانت من ضيوف مب اعضاء
انا صح اني مب معرسه و يمكن مافيدج وايد ..
بس برمسج عني …
و سموحه جان شي من رمستيه محرجه او تعديت القوانين
اول شي فديتج النظافه من الايمان و الكل يعرف هالشي و انتي منهم اكيد ..
فاكيد الاستحمام اليومي الكل يمارسه ….
و دامج معرسه … اكيد لازم تهتمين بجمالج جدام ريلج ..
و قلتي انكم ملتزمين … بس ترا التجمل و الميك الاب مب حرام جدام ريلج …. (( مب قصدي شي من النقطه بس كتوظيح فديتج ))
الصبح تقومين و تتسبحين .. تتعدلين حيث انج تسحين ( تسرحين ) شعرج .. و تتعطرين عطر خفيف .. او تظربين دهن عود ورا اذنج او مخلط بس يكون خفيف فديتج لنه صبح …. و تتجحلين عشان ريلج يوم يوعى يستانس ع عيونج المجحله الحلوه … و اكيد بتصبحين عليه بهايج الابتسامه الحلوه الي بتفتح عليه يومه اليديد …
(( سامحيني ع التدخل بس حتى لو كان صاير شي من الزعل بينكم لا تحرمينه من هالابتسامه الصباحيه لنها تملاء قلبه بالسرووور و سبحان الله تخليه حيوي ))
و كذلك عزيزتي من النظافه انج تستخدمين الفوطه الصحيه .. و تلقينها فلجمعيات و كارفور .. اكيد الكل يعرفها … ..
تنظيف الاماكن الحساسه … و عدم اهمالها … لان اهمالها له اثار جانيبه كثيره .. و ما يحتاي اني اتدخل او اتعمق فلنقطه هاي ..
من ناحيه النظافه قتلج .. و من ناحيه الريحه .. تبخري .. تعطري .. و عندج اللوشن بادي بجميع الانواع …
يعني الغرفه مالتكم او اذا كان عندج قسم روحج حاولي تبخرينها و تعطرينها حيث انه يوم يرد يستانس ع الريحه الحلوه .. ولاااااااااااااا تنسين تستقبلينه بالابتسامه الحوله .. و الكلمه الحلوه الا و هي
(( اشتقتلك …………. *__* زودتها صح !! ))
من حيث الكشخه فديتج … مب لازم تترسين و تصبغين ويهج .. لنه الكشخه ما تي بالميك اب .. الكشخه هي انج تكونين مرتبه مب مبهذله و شعرج طاير ع صوب و انتي ع صوب ..
رتبي شعرج .. سرحيه ..و قصي قصات (( بكله )) يعني اذا شعرج ناعم و طويل قصيه مدرج او جي يعني .. حنيه .. لن الحنا الحمرا تخلي الللون حلوو .. و يصالق الشعر يوم تيي عيه ظربت الشمس او الليت الاصفر (( برتقال مادري شو اسمه بس الحار )) و حطي هاييج الشباصه الحلوه … الي تناسب الكندوره او اللبس الي انتي لابستنه …
البسي الشغابات الي تناسب لبسج كذلك السلسه و السواره …
لا تنسين الخاتم .. .الي دوم يذكرج بابو العيال ^__*
تحني فديتج .. لنه الريال يستانس ع الحنه يوم تكون فيد حرمته .. جي يشوفها حلوه و مزينه .. صح ان الايد الصافيه حلوه بعد .. بس ترا المحانيه يستانسون عليها الازواج … مب بس الايد .. حتى الريل ..
اهتمي باظافرج … مب شرط تكون طوال لنه الاظافر الطوال مب زينه .. بس يعني اهتمي بها
الشعر … ازالته بصوره دايمه .. لن الرجل يكره شي اسمه شعر …
اووه تعاالي .. بخبرج عن الجحال … لا تنسين تمسحينه قبل لا ترقدين .. لنه له تاثيرات ع العيون ..هذا اذا كان قلم … و نصيحتي استعملي الاثمد فالاسبوع مره لنه ينظفها او مرتين لنه واااااااااايد مفيد و الاغلبيه يعرفون هالشي …
(((( استوت حصه عن كيف ترظين ريلج مب نظافه شخصيه هههههههه )) سامحيني عاده بس هذا الي حاظرني حاليا … و اذا يا شي زياده برد و بكتبلج و انشاءالله بفيدج …
اما عن السؤال الثاني فديتج .. ماعندي اي خلفيه
بس انا حالي من حالج ….
بس لي عرفته ان السواد يستوي بسبب الموس … و مرات تكون اشيا زايده فالجسم .. و ما تظهر ..
نصيحتي المهمه …
ريــــــــــــــــــــــــــــــــــــــاضــــــــ ــــــــــــــــــــــــــه
حق الرشاااااااااااااااااااااااقه
ترا الريال ما يحب الحرمه المتينه اووكيك فديتج
يالله بالتوفيق انشاءالله .. و الله يسعدج ويا ريلج
و ان بغيتي حايه و استحيتي هني
عندج الخاص
فداعت الله
سموحه منج
نسيم الشراتي
اختي استعملي الليمون للمناطق الغامقة اللي عندج وحتى ويهج فركيه بنص ليمون وان شاء الله بتبهرج النتيجة
جبيبتي شوفي موضوعي اللي في التوقيع