مرحبا خواتي انا سمعت عن المغات تشربها الحرمه بعد الولاده تنظف البطن وزيد الحليب
هل هذا صحيح ؟وكيف طريقتها وين اقدر احصل عليها في الامارات لاني سمعت انها تنباع بس في مصر
الغاليه انا مب مصريه اماراتيه بس بتحصليهااا بالمحمصه بس رووووووووووووووعه تدر الحليييييب وااايد زينه وطريقتها حسب كمية الماي مثلا اتيبين دله وتمزرينها ماي وتصبين الماي بجدر وعقب اتحطين خاشوقتين كبار من المغات بحيث تكون غليضه وتحطين سكر حسب كمية الماي يعني انتي عقب اطاعمي وحطيه ع النار وتمي دوري فيها بالخاشوقه لين تغلض وااااخر شي صبي عليها سمن عربي وصبيها بالدله ومجرد تشربين كوبين ماشالله يستوي الحليب