خواتي الحريم والبنوتات اللي راح يصيرو حريمات
وان شا الله كل اللي يقرا موضوعي يعرس
قولو آمين
ليش هالنحاسة؟؟؟
حتي اللي ما قرته تعرس
المهم..
انا اهتمامي في البشرة متعدد الأوجه.. طبيعي على صناعي
وانا ترا مب اي كلام.. كله عن قراية وتجربة
وأحب أقدم لكم تجربتي على طبق من فضة والماس
أولا:تنظيف الوجه
اجتنبي الصابون نهائيا.. لانه هو سبب دمار البشرة من جفاف وتجاعيد وحبوب سواء على المدى البعيد أو القريب..
شو الحل؟؟
ثلاث خطوات:
تنظيف بالميلك براحة اليد
تعقيم بالتونك باستخدام القطن
ترطيب للبشرة الجافة او استخدام كريم التحكم بالدهون للبشرة الدهنية والمختلطة(balancing)
وسكراب مرة في الأسبوع عقب التونك مع ماسك على حسب نوع البشرة
وكل الماركات اوكي اللي في السوبر ماركت(نيفيا- نيتروجينا- جونسن….)
وانا ارشح ماركة declere أو لانكوم أو بودي شوب والمجموعات تيي متكاملة…
الأقنعة الطبيعية:
1-روب مع عسل مع عصير ليمونة
2-ماي ورد مع روب مع طحين الدنقو
3- صندل وورس وماي ورد
للترطيب: زيت اللوز
للجسم:
عادي الصابون..
ممكن صابون الغار.. وينباع عند العطاريين وجمعية الشارجة
ممكن صابون الصنفرة.. وهو مخلوط بورق يعطيه خشونة.. للتقشير.. مرة في الأسبوع.. والحمام المغربي
انا شو اسوي؟؟؟؟
طبعا الحمام فيه بخار من الدش الحار اللي يعبي الحوض مع غلق كل المنافذ للهوا
اولا أحط الصابون المغربي عالجسم بعد ترطيب البشرة بدش سريع ودافي
عقب اكون خالطة الطين المغربي مع ماي معدني أو الحنة الخضرا مع ماي وامسحة من فوق الصابون المغربي.. واخليه من 10-20 دقيقة
وبعدين أغسله.. واييب الليفة وافرك فيها الجسم بحركة دائرية
وبعدين أغسله بالماي.. وبعدين لازم صابونه.. مثلا الغار أو اي صابون
واذا كنت ابغي ريحة حلوة شور جل..
ومرة.. اسوي سكراب.. اي سكراب للجسم.. اللي جربته افريكا من بودي شوب وواحد باملاح البحر..ايديد.. بس ثنيناتهم روعة
وبعد جربت ملح الحليب..يعطيج نعومة وريحة حلوة
وبعد ممكن تستخدمي السدر والياس والنيل..
اوه
وايد اشياء .. وفي اشياء ما ذكرتها!!!!!
وللترطيب.. قبل الحمام مساج ب زيت اللوز
وبعد الحمام.. أي لوشن.. واللوشن غير عن الكريم.. لانه يحتوي على نسبة ماي أكثر..
للرجل.. وهي رطبة والجلد لين أثناء الاستحمام تستخدمين الحجر او اداة البرد.. بس ما انصح بالحديد..
وعلى طول غقب الحمام تنشفينها وتحطي مرطب
فازلين.. كريم.. ارشح شيا بتر للايدي والاقدام من بودي شوب
السموحة طولت عليكم..
عالعموم انشالله بنطبق وبنشوف النتايج
يسلمووو على هالموضوع المفيد