يالله موضوعي مع الخدم بعد لويه ثانية…
هاي الخامسة وتبا تروح,, بنغالية فالعشرينات ومب متزوجة ومسلمة,,, وهاااااديه
ليش يا حرمة؟؟؟ اونه انتي عندج اطفال صغار انا ما ابي !!!
اونه المكتب كذب عليها,, اسمعوا؟؟
ودوووووم الا تسال عن ريلي ,, شو تبي بابا؟؟؟
بس ييجي بابا انا في كلام… نعم!!!
المهم ابي حل ليش الخدم ما يتمن عندي؟؟؟
تراني موظفة واحتاجهم,,
معاشها استلمته,, تكلم اهلها من حسابي,,تنام نووووم ,, وتاكل عراحتها,, وشغلها موزع بطريقة مريحة,,
شو يبن هالخدم؟؟
تلفون ما اخلي عندها,, بس اعطيها تكلم اهلها…عطوني اقتراحات اجذبها عشان اتم؟
لو اردها بعد بكفل ثانية وما يندرا عن طينتها
طفرت
والحين مرتاحة بدون خدامة بس تعب لانه عندي يهال وصعب التوفيق بين شغل البيت واليهال وانا عندي وزن وتعبانه فالحركة صعبه علي فمحتارة شو اييب وما محصلة
والله انها تفاتن على ولدي الصغير يو يصيح,, شفهمه فديته
حتى من غيظها شلته مال سرعه واخلعت له كتفه..
ودوم تسال عن ريلي؟؟ ابا اعرف شو تبا به
واخر وحده من شهر رادتنها وللحين مايت اليديده
طفرت منهن الله يغربل عدوهن
امره مب متوفقه فيهن
وكل وحده بسبب ويزولن كلهن اندنوسيات وفلبينيات ولا وحده كملت السنه