خدامة ودريولية فنفس الوقت اشغال يدوية

شحالكن بنات

نفس ما قريتن عزيزاتي

أبا أييب بشكارة بس فنفس الوقت يكون عندها ليسن يعني تعرف تسوق

بس ارد وأقول الأصل أباها بشكارة حق التنظيف ويكون عندها اطلاع بالمطبخ << أنا اللي اطبخ بس إذا بغيتها تساعدني تكون تعرف تقص وتسوي مب ما تعرف حق شغل المطبخ

وأحتاج سواقتها حق مواعيد المستشفيات بس .. لأني متوهقه صدج من مده طويله ما سرت مواعيدي والسبه ما عندي حد يوصلني

وبصراحه ما احتاج دريوليه لأني مب من النوع اللي اطلع .. ولو طلعت اطلع ويا ريلي أو ويا اهلي .. يعني ما احب اطلع بروحي … يعني ما ابها توديني سوق والا ازور ناس والا غيره بس حق الضروووووووووره القصوى

تتوقعون ممكن أحصل هالشي والا مستحيل ؟؟ واللي تعرف مكتب داخلي فالدولة أو خارجي يوفر هالشي تخبرني

وهيه صح بغيتها مسلمه ما اداني اتعامل ويا المش مسلمات مهما كان تميزهم

واتريا ردودكن

الله ايوفقج

لا إله إلا الله وحده لا شريك له ، له الملك ، وله الحمد ، وهو على كل شيء قدير

اسمحي لي اختي ويا بتحصلين خدامه فيها كل هالمواصفات؟!!!
تبينها خدامه وتعرف تسوق وبعد مسلمه؟!!
صعب جدا تحصلين جي
اظن في مكاتب الخدم عندهم يا ينكتبلها المهنه سائقة او خادمه
الاثنين مع بعض صعب ما يصير
اظن الا اذا انتي يبتيها كخادمه وبالاتفاق بينج وبينها انج تخلينها تتدرب
لين تتقن السواقه .
الله يوفقك ويعطيج اللي في بالج(:

حبيبتي تبين سوبر ديلوكس صعبة بشكاره وطباخه وسواقه ومسلمه
ادري بتقولين للمستشفيات بس هي السواقه سواقه ممكن بعضهم يساعدون في البيت بس مابتكون مثلما انتي تبينها شغاله

قال رسول الله صلى الله عليه وسلم ((إن من أفضل أيامكم يوم الجمعة فأكثروا علىّ من الصلاة فيه فإن صلاتكم معروضة على )) قالوا يا رسول الله : كيف تعرض صلاتنا عليك وقد أرمت _ أي بليت ؟! قال (( إن الله حرم على الأرض أن تأكل أجساد الأنبياء ))
وقال صلى الله عليه وسلم ( من قرأ سورة الكهف يوم الجمعة أضاء له من النور ما بين الجمعتين ))

خـــواتي لاتنســن الصلاة على نبينا الكريم عليه افضل الصلاة والسلام ولاتنسن قراءة سورة الكهف يـــزاكمـ الله خير وادعو الله فان في هذا اليوم ساعة مستجابة بارك الله فيكمـ …