خبيرات الشعر احدرن وشوفوا شو السالفة لصحة بشرتك

طويلات العمر بخبركم عن شعري استخدم لة كل اللاشياء الايطالية ماركة سينستيف وكاديوس بالشامبو والسيروم وحمام الزيت وحتى لما بصبغ عند اغلى الصوالين وعمري ماستخدمت شيسوار ومشطي ياباني من خشب الابنوس بدا شعري يجف كل مابعتني فية سبحان الله صاير يلوع الجبد حلفت علية ياشعري راح بستخدملك ابو ريال وريالين مااتسمى هند وكعدت اليوم اصيح وللعلم انة شعري عادي مايلل للنعومة ولحين يلوع كشة يابس

ليش معصبه على شعرج هلكثر ؟؟؟
انا مثلج كنت يوم اصبغه اعصب الصراحه واضايج واايد لانه الصبغ واااااايد يجفف الشعر يخربه واااايد وخاصه الهايلايت يتدمر الشعر
انا استعمل من ماركة لولان رووووعه الشعر يستوي بصراحه مع اني جربت كادوس وماتريكس بس هذا غير
انتي ادهني شعرج دوووم واستعملي حمام زيت وسيروم ومع الايام بيتحسن بس قصصي الاطراف

مشكورة يالغالية بس لي سنة من صبغت بجرب ماركة لولان ويعطيج العافية

الصبغه على بال ما يروح اثرها يبالج ثلاث سنين بتشوفين الشعر تحسن
طالما انه جاف حطي تونيك مال فازلين الشفاف غطاه لون ازرق بعد ما تسبحين شعرج

مرحبا الغاليه …..انتي تتحرين كل شي ماركه هو بس الزين !!! لا حبيبتي فيه اشيه بسيطه و حلوة و تعطي نتيجه … وهاي يمكن احسن من الماركه و الكل يستخدمها بس النتيجه من شخص لاخر تختلف … انتي بدلي الاشيه الي استخدمتيها قبل و لا اتردين تستخدميها لانها يا ما عطت نتيجه ولا سوء الاستخدام …. و سويلج جدول بسيط تمشين عليه في التعامل مع شعرج و خليه من جدول حياتج الابدي و حذري على شعرج من اي شي يضره …ولا تفكرين ابدا ان الماركه بس هي الي تنفع دوم …. روحي العطار و سوفي و اسالي … فيه الكثير من الزيوت اساالي عن كل واحد و شو فايدته ؟ ادخلي محال بيع اغراض الصالونات و دوري على الزين و اكيد بتحصلين اشيه وايد مفيدة لج و في الجمعيات بعد … و كل شي ييجي بالستمرار و المثابرة و الصبر …. وابدا لا اتخلينه جاف رطبي على طول … و السموحه

عليج بالفازلين وخذي فيتامينات خاصه للشعر بتحسين بنعومه ورونق

مشكورين على الردود الكل وراح اخذ بنصايح الاخت فجر النواعم