بنات ريلي ذبحني ….يبا ريوق خفيف وانا ما اعرف شو اسوي … يعني يبا نفس الاجانب والله تعبت شكيت في هالريال يمكن فيه عرج انجليزي ههههههههه..
ساعدوووووووووووووني
كورن فلكس …سلطة فواكهه….جبن..لبنه ..زعتر…زيتون …مربي وقشطه
بس جنه هاافطار عربي
أنا اسوي
توست أدهنه اب جبن كرافت …. و أوزع عليه زيتون شرايح … + جاهي حليب
أو أفور بيض
أو
أسوي أومليت بالجبن
امممم احيد الريوق الانجليزي دسم لانه بالنسبة لهم هاي اهم وجبة
واذا تبين اكل خفيف .. العبي بالتزين وانواع الاجبان والزيتون ومع تزين بسيط
التوست حمصيه على اشكال .. مثلا .. مستطيلات ورتبيها بطريقة حلوة في الصحن
او مثلثلات .. دواير .. حسب اللي تبينه .. لكن بيكون فيه نوع من التنويع
وسويله مثل ماقلتلج الاجبان واللبنات بالنكهات ..
وممكن تسوين توست محمص وعليه بيض عين .. او اومليت
امممم
ممكن تسوين بالخبز (نسيت اسمه .. ينباع في كارفور شرات الجباتي ) فيج تسوين رولات باللحشوات
اللي تبينها .. وتقصين بطريقة اسطوانية مع تزين الصحن ..
ممكن تسوين له اومليت بالخضار .. مثلا بالشبت .. الطماط .. بشرايح النقانق
ممكن تسوين فول .. فلافل مفتت بالخس والبقدونس .. وفيج تزيدين عليه لبنة او روب
وهاي بعض الصور للريوق الانجليزي .. يمكن تعطيج الافكار
وذبحيه بالريوق الحلوو اللي بتسوينه لول
واتمنى اني قدرت افيدج