بغينا خبراتكم وأفكاركم في هذا الشغلات….
+++ وين تخزين اللاوازم الزايدة
مثل لوازم الحمام( صابون- شامبو – معطرات)
ولوازم معطرات المنزل( شمع – بودرة سجاد )
المجلات الصحية( الى تكون ويا الجريد بشكل اسبوعي)
وغير هذا شو طرق التخزين الى تحسينها حلوة وفادتش
وشو أغراض شريتها من ايكيا دايسو وغيرهم وساعدتش في التخزين
يعنى الموضوع بكبره عن خبراتج في التخزين
ننتظر ردودكم
ومن فترة خذت بوكسات من ايكيا صغار…لاني وايد اعاني من الاشياء الصغيرة اللي اتم سنة ادورها يوم احتايها..مثل المفاتيح…البراغي اللي تكون طايحة وممكن احتاجها ,,,مشابيص شعر…بطاريات..الخ
وخصصت كل بوكس لشي..والحين مفتكة….
اذا عندج مكان يم الحمام مساحه او باي مكان ف البيت اشتري كبت اللي فيه ادراج وايده وعاد انتي وترتبج تقدرين تخصصين درج للفوط ودرج للصابون والشامبو ودرج للمعطرات ووووو لان عدال الحمام بيكون اقرب من مكان ثاني
أما بالنسبة للمجلات الزايده وما تستخدميهم اذا عندج ستور بالبيت حطيهم بكيس كبير واحتفظي فيهم
مثل لوازم الحمام( صابون- شامبو – معطرات)
تقدرين تاخذين كبت فيه عدة ارفف وتحطينه في الحمام وتخصصين لكل غرض رف واغلب هالافكار اتحصلينها في ايكيا .
ولوازم معطرات المنزل( شمع – بودرة سجاد )
خصصي رف في المخزن او ادراج اتحصلينها في هوم سنتر او الجمعية .
المجلات الصحية( الى تكون ويا الجريد بشكل اسبوعي)
عندي مكتبة فيها عدة ارفف مخصصة رف للكتب ورف لقصص الصغاريا ورف للمجلات وطبعا اسوي جرد بين فترة والثانية
والسموحة :22 (12):