حياتج في بيت ابوج ولا في بيت ريلج الاحلى المومة و الطفل

بسم الرحمن ابتدي الحمدالله انا عشت حياتي وبكل فخر حياة متواضعة في بيت ابويه ربي يخليه لنا ان شاء الله وما قصر علينا في شيء سواء من الوالد ولا الوالده وعن نفسي اسلوبي كان يختلف عن الجميع وكثر ما كنت مخبله فيه مسمنى الخبله خخخخخخخ حياتي في بيت ابويه مثل العسل ولان ابويه شويه رومانسي في تعامله مع الوالده (العصبيه) فانا طلعت مكس عليهم .
وبيت ريلي ما اختلف عن بيت ابويه وللحمدالله ان بو العيال متفهم وخاصاً يوم اعصب يضحك ما اعرف ليش بس عسب اهدى يمكن و ساعات اتضارب معاااه واترك له الشقه واسير البحر بروحي وعقب ارجع كنه ما صار شيء بس عسب ما اعق كلمه تجرحه لانه ما يستاهل اجرحه في لحظة غضب منى ولا اناقشه من بعد ما اهدأ يعني , وانا وهو من النوع اللي يغامر ويجرب كل شيء يديد الحمدالله وفيه سلبيات بس الايجابيات تغطيها
بيتي الاول حلو وبيتي الثاني حلو وربي يدوم الفرح للكل يارب وبس .
واذا مواضيعي تعجبكم خبروني عسب ابتكر اشياء ثانية وفي انتظاركم يالحلوين

إذا كانت مدلعه وسعيده فبيت أبوها فبتختار ريال يسعدها وإذا كانت معاملة أبوها قاسيه وجافه ومشاكل فتميل لزوج له نفس الطباع سبحااان الله

إذا كان زين تختار الزين وإذا كان شين تختار الشين

والله يسعد الجميع يارب

والله يسعد الجميع سواء ويا الاهل او ويا الريال ^_^

بس بعد حياتي في بيت ريلي حلوه الحمدالله قبل في بيت الاهل الاهتمام لي ولكا اخواني اما هني انا مركز الاهتمام وغير جي حمدالله ريلي طيووب ورمنسي وحيل حنون