شحالكم أنا وايد مضايقه
حبيباتي من فتره دريت أني حامل وكملت تقريبا الاسبوع السابع
المهم ياني نزيف ورحت على طول المستشفى ويوم كفت عليه الدكتوره قالتلي نبض الياهل ضعيف 
المهم وعطوني أبرت مثبت مع حبوب التثبيت
وفيني ألم مب طبيعي من طلعت من البيت لين ما رجعت وزاد علي الالم في البيت رديت المستشفى رحت أول شئ التوام وتميت ساعتين وريلي يقول للشرطي الناوب حرمتي حامل وتنزف يقوله هذي هب حاله طائأه اونه أنا ميته ما أروم أيلس مسطلبه على الكرسي
المهم طلعت ورحت الجيمي ولقيتها فل يالسه مالت الرسبشن تكتب اوراقي يوم دريت أنه فل قلت ما بيلس عطيني بطاقتي وطلعت
كنت أفكر أرد البيت بس بعدين رحت التخصصي nmcإلي كنت رايحتلهم فنس اليوم العصر ويوم كشفت علي الدكتوره لقت المشيمه طايحه يعني الياهل طاح في البيت
يوم جي قالتلي حسيت خلاص بموت من الضيقه ما صحت ولما دش ريلي يقولي شو قالتلج ما رمت أنطق قلت له طاح وتميت أصيح وتميت زياده في المستشفى تقيبا 3 ساعات بعدين طلعت
طيب بنات لما فحصولي المشيمه والدم لقو عندي تصير جلطات في الرحم وشئ جي من الاربطه مفتوح جي تقريبا 8 mm
طبعا أنا ما صبرت طولت لين ما أدخل عند الدكتوره خذيت تقريري وطلعت من المستشفى طفرت مافي مكان سنع نتعالج فيه ( يعني أنا ما شفت الدكتوره عشان نعطيني الحل ) أدري أني مافيني صبر
بس ترجمته في البيت وعرفت شو فيه كل شئ طبيعي ألا إلي قلته
بنات أي ترف شئ عن هذا الموضوع تقولي والله خلاص أعصابي تعبانه
أخاف مافي أمل أيب عيال
عزيزتي انصحج بالحجامه .. لانها وايد تفيد للمجهضات ..
وعقب يوم يصير الحمل انصحج بالدكتورة ماريان .. انا عقب مااجهضت سويت حجامه
وعقب يوم حملت راجعت ماريان ماشاءالله كانت اتابعني لين الحمدلله ماربيت وانتي يوم تسيرين لها خبريها
انج اجهضتي .. وربي يعوضج
ربي يعوضج حبيبتي ماعندي اي فكره ان شاء الله البنات يفيدونج ..بس خلي املج بالله كبير ولاتياسين من رحمته ان شاء الله يشفعولج ..
ان شاء الله البنات يفيدونج
وانا بعد انصحج بالحجامة ولاتترددين سويها وبعد ماتسوينها شوفي الراحة كيف
وادعيلي الله يرزقني ويرزق كل محرومه الذرية الصالحة