حلوس الطفل للسياحة

بنااات شخباركم..
بنات انا بنتي بعد اسبوع ان شاء الله بدش الشهر السادس و ما شاء الله عليها تنجلب وتعدل عمرهاا بس الحين يا بنات هي اتحاول تيلس دايما ترفع راسها و اصيح تباني ايلسها و يام احطها في الكرسي و هو مايل ترفع راسها و تشل ظهرها و تيلس بروحها بس ما تتوازن عدل و الحين انا ابا اساعدها و ايلسها شوي بس ابوها مب راضي لان امه امفهمتنه ان اذا الياهل يلسوه و هو عمره اقل عن 7 شهور يكون ظهره مقوس يام يكبر و انا حاولت اقنعه بس راافظ و بشده و اتخيلو يقول اذا اليوم آخر يوم حقها في الشهر السادس لا اتيلسيها و يام بدش اول يوم فالسابع يلسيها ..
و الله يهديها عمو دايما اتخوفهم بخرافاتها .. يعني حتى بلابسها ما اعلقها بالحبل اونه عشان ما تطلع عينها زايغة ..هههه الله يهديهاا..
و السؤال الحين عادي ايلسها و الا صدج بيأثر عليهاا ؟؟

عادي يالغالية من الشهر الخامس بعض العيال يجلسون ما فرقت السادس عن السابع ولدي بدا يجلس من السابع بس ولد أختي ما شاء الله علية من الخامس بدا نفس بنتك ما شاء الله عليه كان يحاول يجلس بس الحين يجلس زين وهو بالشهر السادس
ههههههههه عمتك عليها خرافات

UP UP UP UP UP UP

اهي عادي تجلس
وان شاءالله مابيصير لها شي
والله يعينك على العقول
سبحان الله كل شخص وله تفكيره
حاولي تحلين الامور وخلي هالشهر يعدي على خير
والله يحفظ بنوتك

مشكووورين ع الردود..

لا تضغطين عليها خليها ، لان فعلا هالشي يأُثر على اعصاب البنت ، شوي شوي بتيلس بروحها ليش مستعيله عليها ، هي طبيعي فديتها تحاول علشان جيه تصيح وتتضايج لان اليهال من يبدون ييلسون خلاص ما يحبون يرقدون او يطيحون على ظهرهم ,,(سالفة انج تعليق ملابس الياهله ع الحبل وطلع عينها زايغه هههههه اول مره اسمع بهالخرافة )

الله يخليها لج ان شاء الله