حبيبي والاسهال للساحة الامارات

سلام عليكم فديتكم عساكم بخير
شوفولوا حل مع الاسهال عند ولدي فديته عمره 8 شهور والاسهال اسبوع تقريبا,وديته المستشفى عطوه محلول يشربه ما يطيع يشرب واااايد فدييته ضعيفون
ينفع اعطيه (ساقو) ؟ يقولون زين
فدييتكم شوروا علي اول بيبي لي معرف كيف اتصرف والشو زين ؟
يزاكم الله خير

مساء الخير حبيبتى فديته عمره 8شهور عادى تعطيه زبادى عشان الاسهال وسفن أب طلعى منها الغاز شويه عطيه فنجان أنا مرات اولادى يصيبهم أسهال الدكتور ينصح بسفن اب وعمرهم شهور

مارسوا شر فديته عطيه روب مع نشاء وايد وعطيه تفاح فوحيها وطحنيها له وعطيه المحلووول وايدزين ربي يحفظه

الغاليه عطيه روب الله يحفظه هذا يمكن من التسنين

الغالية بالنسبة للحليب شي تركيبة حليب خاصة للإسهال تنباع بالصيدلية وايد ممتازة حق الاسهال بيتيود بطنه شوي و عطيه سفن اب و يزر و بطاط و عيش و روب و موز هالأشياء كلها تيود البطن و عندج بعد المهلبية
و طبعا لازم تعطينه المحلول اللي الدكتور عطاج اياه عسب ما يستويبه جفاف كل نص ساعة عطيه طشونة بالخاشوقة او بالابرة مالة الادوية و الله يشافيه عادي كل اليهال جي

فديتج ولدج يستاهل السلامه بس طمنينا عنه عقب…
ما اقدر افديج سمحيلى … الخوات ماراح يقصرون ان شاء الله

اختي المهلبية أو النشا واايد زين

سفن أب مع المحلول

وفيه الحين المحلول بالنكهات زوين طعمه

بنت اخوي هالايام خف عنها الحمدلله قمنا نعطيها نشا وعيش مهروس مع روب –
روب بروحه- المحلول بالنكهات ماحبته بس كنا نغصبها- عيش وماي

وألف لا بأس عليه