شوفو حبايبي أنا خاطري أغير روتين حياتنا
نحن الحمدالله أنا وريلي عايشين بألفه ومحبه واااايد قريبين من بعض ومخبله فيه فديته
دوم احب اضارب وياه .gif "12 (6)")
مال غشمره مب صدق
والله لا يغير علينا
بس حابه أغير شوي من روتينا صح ريلي مب من النوع اللي تهمه الأفلام الهنديه ( الليالي الرمانسيه ولأللعاب وهالسوالف)
بس أفكر مثلا أغير طريقة استقبالي له كل ماينزل من الدوام ولو بحركة بسيطة
أنا طبعا حريصه كل مره أكون مرتبه ومغيره ستايل لبسي وشعري وميكب خفيف
بس أبا حركة بسيطه
ماعرف كيف اشرح لكم بس اكيد فهمتو قصدي
يعني مثلا احط له بطاقه فمكان واكتب فيها شي أو اجهز له الحمام وإنتو بكرامه باسلوب معين
استغل اليهال يسوله حركه معينه مع إنهم صغار بو 4 سنوات وسنه بس هو وااايد متعلق فيهم
أبا يكون في اكتيفيتي ولو مره بالاسبوع
والشي الثاني نحن إن شالله بنسافر ع الشهر الياي وأبا اسويله حركه هناك اشكره ع السفره
لانه فديته مول مب مقصر ويانا الله يحفظه
ماعرف افكر آخذ لله هديه بس دوم ماعرف شو آخذ له لانه يحب سوالف الماركات صح مب كل شي
بس الأشيا الأساسيه يحرص تكون هاي كوالتي وأنا ميزانيتي محدوده .gif "12 (64)")
ممكن تقترحون علي هديه ولوبسيطه بس ممكن تعيبه
والسموحه طولت عليكم
ربي يسعدكم ويهنيكم مع حبايبكم
بس على السفرية ممكن اتغيريين لووكج بالكاامل ومن دوون مايشووف..
يعني اترووحيينالصالوون وتتحنيين ولا اتسويين صبغة لان مافييها ريجة ولا حتى تشتريين الوشم اللزقة طبعا ..
وتقصيين وتصببغييين شعرج ..وكلة من دوون مايشووف ..قبل السفر بيووم ويووم ترجعيين لفي شعرج ولبسي شي طويل عشاان مايشووف وقوليلة مسوية زيت ولا اي شي بشعرج..
ومن ترووحوون هنااك من توصلوون نزلييه يشتري ولا اييب شي على اساس انج نسيتي اتييبينه وشي ضرووري..
المهم يطلع من الغرفة لوساعة زماان..
وهنييه العبي اعبتج..لووووول…جهزي نفسج ومن يرد يحصلج مغيرة لوكج..
حاولي اتسويين لوك يعيبة عشاان يبقبق عيوونه صدق..
هاهاهاها ااعرف طلعت الفكرة فباالي احيين..
موفقة وربي يسخركم لبعض….وتروحوون وترجعوون بالسلاامة..