بدخل ف الموضوع على طول
خواتي انا متزوجة من سنة ونص وماعندي عيال
مره فبداية عرسي حملت وسقطت على طول
ما امداني افرح اسبوعين وراح
والله ياكيف كنت مستانسه وريلي طاير من الفرح
بس يلله الحمدلله
انا عقب التسقيط رحت لدكتوره قالت انتي فيج
تكيس اكثر من المتوسط
وفيج دهن مادري ف خلايا جسمج او في مبايضج
قالت ضعفي
بنات انا مو سمينه بس متوسطه
يمكن 66
بس زاد وزني بعد التسقيط كان اقل
بس قالت لي الدكتورة بعطيج حبوب مالت مرض السكري
قلتلها مابا
شو مال سكري مابيهم ﻻ تعطيني اياهم
قالت معج خيارين يا وزنج ينزل برياضه ورجيم
او حبوب
قلت يلله بضعف اهون ومنشط فيوم الدورة
الحين بسالكم
صدق لو ضعفت صدق بيساعدني احمل؟
يعني من فيكم سمنت وعقب ياها تكيسات وضعفت وحملت ؟
تعرفون احد ضعف وحملت؟
طيب ببدى من الحين رياضه وتمارين ولمدة ساعتين وبقلل اكلي
بس يمديني احمل هالشهر؟ امتظر الدورة بعد ثﻻث ايام
ادري كﻻمي متلعوز
بس والله انتو عارفين شعوري
مدري كيف اشرح
بس جزاكم الله خير جاوبوني
الكلام صح لأن انا وزني طبيعي بس الدهون اللي فيني متركزه عالمبايض شي جي..
انتي امشي عشور الدكتوره وان شاء الله رب العالمين يرزقج..
كنت حابه اقول لج ان حبوب السكري (جلوكوفاج) واااااايد زينه وابد لا تترددين تاخذينها لأن اكتشفوا انها من افضل العلاجات للتكيسات وانا خذتهن عادي (ما يأثر عنسبة السكر بس عالتكيس)
الله يرزقج الذرية الصالحه حبيبتي