شخباركم
القى حد عندكم يدرس في كلية الفجيره .!
ابا اعرف نظام الدراسه كيف كم ساعه الكلاس وكم ماده تقدر تنزل
وهل تنصحوني فيها .؟
انا ناويه انقل للكليه ف ان شاءالله اذا نقلوني بباشر ادرس الكورس الياي
وماعرف حد وجيي ف يعني تشجعوني عليها ولا كيف : (
انتي متخصصة فشي وبتكملينه ولا بعدج فاونديشن؟
انا الحين ثالث سنة وكل مادة عليها اربع ساعات فالاسبوع… كل تخصص يكون غير، وما عندنا نظام تنزلين مواد معينة وتقولين بتاخذينها هالسمستر، المواد تكون موجودة بالنسبة للتخصص والكلاس يعني ما تختارين هالشي، احنا مثلا اليوم عندنا اربع ساعات دراسة فالكلية من ثمان لين وحدة اول كلاسين لمادة وحدة ومدة الكلاس الواحد 55 دقيقة وبين الكلاس الاول والثاني يعطونا بالعادة عشر دقايق بريك وبعد الكلاسين لازم البريك الطويل ومدته 55 دقيقة وعقبها كان عندنا اخر كلاسين وخلصنا، يعني على حسب الجدول مالج كيف بيكون.
اذا انتي دارسة تخصص معين وبتكملينه تراهم بيعادلون لج المواد اللي قبل خذتيهم وبتاخذين المواد اللي ما درستيها،
انتي من الفجيرة؟ اذا انتي من مناطق الفجيرة ترا هني احسن لانها بتكون جريبة عليج.
الكلية اوك بس اللهم مبانيها مب شرات الكليات الثانية لانها صغيرة، فيه سلبيات في الكلية بس تقدرين تتغلبين عليها وتمشين امورج
مثلا الكافتيريا: الكلية فيها تقريبا جريب 2000 طالبة واوقات البريك مالهم تكون لاغلبهم بنفس الاوقات اللي هم الساعة عشر والساعة وحدة فتحسين وايد زحمة الكافتيريا صح انهم كبروها من فترة بس بعد الزحمة على الكاورنترات تحسين ثلاث كاورنترات ما تكفي. عندج حلين: اول حل تطلعين لج جرين كارد (البطاقة الخضراء) واذا انتي تسوقين تقدرين هالوقت توصلين مكان جريب تاخذين لج اكل عالسريع وترجعين (يا تاكلين فالسيارة يا تدخلين الاكل بالدس الكلية لان السكيورتي يكونون واقفين طول الوقت ويشوفون منو يطلع ومنو يدخل ومنو يايبة اكل وياها) اقرب واسرع اماكن تطلبين الاكل منها ماكدونلدز أو حتى لو تاخذين لج خفايف من شيشة البترول. انا ساعات ما اطلع من الكلية لاني ما احصل وقت وجي فاضطر اروح الكافتيريا مع انها زحمة واحيانا اذا بناخذ خفايف نروح وقت العشر دقايق بين الكلاسين وما تكون شي زحمة ونطلب عالسريع ونرد الكلاس (بس انتبهي حد من السكيوريتيز اذا شافوج مدخلة الاكل الكلاس بيسوون سالفة، احنا يوم جي نقولهم ما بناكل في الكلاس الحين عندنا كلاس والسير داخل وبيشوفون ان الاستاذ داخل وما بيقولون شي)
ما ادري اذا هالمعلومات بتفيدج، اذا عندج اي اسئلة ثانية خبريني
^^
المشاركة الأصلية كتبت بواسطة روح الكندي 
انتي متخصصة فشي وبتكملينه ولا بعدج فاونديشن؟
انا الحين ثالث سنة وكل مادة عليها اربع ساعات فالاسبوع… كل تخصص يكون غير، وما عندنا نظام تنزلين مواد معينة وتقولين بتاخذينها هالسمستر، المواد تكون موجودة بالنسبة للتخصص والكلاس يعني ما تختارين هالشي، احنا مثلا اليوم عندنا اربع ساعات دراسة فالكلية من ثمان لين وحدة اول كلاسين لمادة وحدة ومدة الكلاس الواحد 55 دقيقة وبين الكلاس الاول والثاني يعطونا بالعادة عشر دقايق بريك وبعد الكلاسين لازم البريك الطويل ومدته 55 دقيقة وعقبها كان عندنا اخر كلاسين وخلصنا، يعني على حسب الجدول مالج كيف بيكون.
اذا انتي دارسة تخصص معين وبتكملينه تراهم بيعادلون لج المواد اللي قبل خذتيهم وبتاخذين المواد اللي ما درستيها،
انتي من الفجيرة؟ اذا انتي من مناطق الفجيرة ترا هني احسن لانها بتكون جريبة عليج.
الكلية اوك بس اللهم مبانيها مب شرات الكليات الثانية لانها صغيرة، فيه سلبيات في الكلية بس تقدرين تتغلبين عليها وتمشين امورج
مثلا الكافتيريا: الكلية فيها تقريبا جريب 2000 طالبة واوقات البريك مالهم تكون لاغلبهم بنفس الاوقات اللي هم الساعة عشر والساعة وحدة فتحسين وايد زحمة الكافتيريا صح انهم كبروها من فترة بس بعد الزحمة على الكاورنترات تحسين ثلاث كاورنترات ما تكفي. عندج حلين: اول حل تطلعين لج جرين كارد (البطاقة الخضراء) واذا انتي تسوقين تقدرين هالوقت توصلين مكان جريب تاخذين لج اكل عالسريع وترجعين (يا تاكلين فالسيارة يا تدخلين الاكل بالدس الكلية لان السكيورتي يكونون واقفين طول الوقت ويشوفون منو يطلع ومنو يدخل ومنو يايبة اكل وياها) اقرب واسرع اماكن تطلبين الاكل منها ماكدونلدز أو حتى لو تاخذين لج خفايف من شيشة البترول. انا ساعات ما اطلع من الكلية لاني ما احصل وقت وجي فاضطر اروح الكافتيريا مع انها زحمة واحيانا اذا بناخذ خفايف نروح وقت العشر دقايق بين الكلاسين وما تكون شي زحمة ونطلب عالسريع ونرد الكلاس (بس انتبهي حد من السكيوريتيز اذا شافوج مدخلة الاكل الكلاس بيسوون سالفة، احنا يوم جي نقولهم ما بناكل في الكلاس الحين عندنا كلاس والسير داخل وبيشوفون ان الاستاذ داخل وما بيقولون شي)
ما ادري اذا هالمعلومات بتفيدج، اذا عندج اي اسئلة ثانية خبريني
هي مشكووره يعطيج العافيه : )
انا دايما يكلموني عن الكافتيريا وجي ماعليج بسوي احتياطاتي حتى لو اييب من البيت ههههههههههه استعيد ايام الطفووله
وهي فديتج اناا ناقلة من جامعة ومتعوده على نظامها عشان جي ماعرف نظام الكلية كيف بس دام انهم بيحطون الجدول خلاص
انا ما تخصصت ف الجامعه بس مخلصه المتطلبات العامة والفاونديشن وجي
وودي اتخصص ميديآ ف الكلية
بس ماعرف في حد يعني متخصص في بنات وايد ولا نادر وجي يعني
يعطيج العافيه ع المعلومااات والله يوفقنا جميع
ان شاء الله حد يفيدج حبوبة
للرفع