شحالكم ؟ حبيت اطمنكم اني الحمد الله عرست وصار لي تقريبا 26 يوم
تاريخ عرسي كااااان 29-1 في يوم الجمعة في فندق الانتركونتينتال – دبي فيستفال سيتي
كااااااااااااااان العرس ما شاء الله من ليلة من الف ليلة وليلة بشهادة الكل وكل شيء كان خباااال ورووعة قولوا ما شاء الله لوووووووووووول
وبتشوفون الصور انشاء الله لما يخلص الالبوم اذا حصلت صور مناسبة احطها في المدونة
طيعا فستاني كان لبسة اولى وكان خباااااااال شوي عليه .. الكل اتخبل عليه ويقولون كنت طالعة تجنا الماسة تلق من بعيد لقريب (( ما شاء الله ))
والمسكة كانت كرستال بس وايد حلوة وبحاول انزل لكم صورة لها
المكياج والتسريحة كانت وايد حلوة وغيرت شكلي وخلتني حلوة زيادة (( خخخخخخخ خقاقة صح ))
سويت مفاجئات متعددة في عرسي من افكار يديدة وطبعا زفتي كاااانت باسمي وباسم ريلي وكانت فظيعة
الكوووشة كانت اكثر من راقية ورووووعة واخترت هالالوان للثيم مالي كانت تركواااز واصفر وفوشي واخضر بس بطريقة متدخلة مع بعضها
ودخلتي كانت من ورا الكوشة باب في النص ينفتح .. بخبركم زيادة عن العرس عقب انشاء الله وطبعا انا وريلي كنا مشرفين على كل خطوة من اول اليوم ..
الكل الحمد الله اتخبل على القاعة والترتيبات وللحين يتصلون فيني ويقولون لي عرسج ما شاء الله كان فخم وايد ورااااقي وما شاء الله تجنا عرس حد من الشيوخ !! والبنات من اهلنا يقوولون لي نباج ترتبين لنا عرسنا لما نعرس عسب يطلع شرات ترتيبج لعرسج
وبحط لكم صور بطاقات عرس الريايل والحريم كيف كانت ما شاء الله كانت فخمة صدق
وبعدين سافرنا تركيا لشهر العسل وردينا لوووووووووووول وبعد بخبركم عن التفاصيل بعدين عن كل شيء من اصغر الاشياء لاكبرها من ديجي وصبابين وحلويات وكوشة وغيره الكثير
بس هذا تقرير سريع لكم والي يبا اي شيء انا حاضرة
عسى ربي يسعدكم و يهنيكم ببعض يا رب
و نحن نتريا الصور على أحر من الجمر ^_*
وربي يسعدكم..
