اشحالكم؟؟
بصراحة تعبت كتبت و خلصت يوم ييت احط الموضوع ما استوى قهرني وتعبي راح عالفاضي
بس قلت ماعليه اللي في المدونة يستاهلون التعب مثل ما تعبو معاي طول الفترة الي طافت في التحضيرات من كل النواحي الي ساعدتوني فيها.. وايد استفدت بصراحة وافتقدتكم ومن رجعت قلت لازم احط التقرير
التقرير يبدأ من أول حفلة في البيت .. لحد يوم العرس.. وأي وحدة عندها اي استفسار تتفضل وان شاء الله اقدر اساعدكم
أول حفلة .. ليلة الحنا في البيت
20242017
الثيم: أخضر
الكوشة: تصميم أمي ربي يحفظها ويسلم إيدها على الشغل الي تعبت عليه وسهرت عليه ليالي بإيدها اشتغلت على كل قطعه
الحنا: النقش رقيق وحلو وحناها يصبغ
المكياج: يكفيني أقول كلمة وحدة (مبدعة)
صورة للكوشة:
الحفلة الثانية
ليلة الحنا (الفندق)
21102017
الفندق: إيوان – الشارقة
الثيم: أحمر – تراثي
الكوشة: تراثية ..
المكياج والشعر: ابداااااااااااااع طلعوني لوك وايد غير عن الملجة وروووعه
التصوير : مع الكوشة
الفستان: فصلته من عند مصمم
تصوير تليفون للأسف..
عشان تشوفون صورة الكوشة.. اضغطو هني ..
الليلة الكبيرة
22102017
الفندق: هوليدي ان الشارقة
الكوشة: روعه مثل ما اتفقنا
الثيم: بنفسجي وسلفر ووردي
المسكة: طلعوها رووووووعه مثل ما بغيتها
المكياج والشعر: رغم اعتراض وايدين.. إلا اني اصريت عليها وما ندمت.. شغلها واااااايد مرتب وحلو.. وعيبني بصراحة طلعتني واااااااو وغير عن كل ليلة بشهادة الكل.. برزت ملامحي انا مب المكياج.. وغير تعاملها العسل.. لبستني وعطرتني وتصورت معاي بعد ههههه..
التصوير: المصورة مبدعة في الحركات بصراحة بس الألبوم مادري للحين بشوفه بعد شهر
نسيت الفستان 
الفستان: فصلته عند مصمم سوالي اياه بسعر إيجار لبسة أولى..
الزفة: كانت بإسمي وإسم ريلي.. للأسف ما اشتغلت وهالشي الوحيد الي عكر مزاجي يوم بغيت اظهر.. بس الحمدلله حطو زفة غيرها وكانت حلوة
تصوير ردئ لأأن من تليفون وهذا اثناء التركيب محد صورها كاملة بالكاميرا للأسف
المسكة:
شهر العسل
كان أوروبي
الأماكن الي رحنا لها بالترتيب:
فيينا
زلامسي
ألمانيا – ميونخ
فرنسا- باريس
روووعه هالأماكن وااااااايد استانست بصراحة.. الجو كان بارد بس مب البرودة الثجيلة الي ما تتحملونها غير زلامسي لأن كان ثلجي.. بس حلو استمتعنا وماكان في امطار وايد تخرب طلعاتنا بالعكس
نصيحة.. استغنو عن اي شي اذا تقدرون ترا السفر هو الشي الوحيد الي لكم انتو.. اما الحفلات محد يستانس فيها غير الناس.. اهتمو بوناستكم لأن هي الي تقربكم من بعض.. انا هذا كان هدفي من البداية ان اي شي بتنازل عنه الا السفر.. وما ندمت اني جي سويت ربي فتح علينا ابواب الحمدلله وقدرنا للسفر ولا بعد رجعنا وزادت بيزاتنا من بركتها الحمدلله
وربي يوفقكم جميعا ويسعدكم ونسمع اخبار وتقارير حلوة منكم
اتمنى تدعون وهذا يكفيني
اختكم في الله
و ما شاء الله رووووعه
الله يسعدكم ويهنيكم وعقبال كل العزابيات إن شاء الله ^__^
ويعطي امج الصحه والعافيه ومايحرمج منها
خاطريه في كوشه سوده مثل كوشتج<<< ان شاءالله خير لين عرسي
والفستان نسيتي تقولين من وين ؟؟؟
كل شي حلو ومرتب
ربي يسعدج ويوفقج ويرزقج بالذرية الصالحة ويبعد عنج العين والحسد وكل كروه ربي يجملج في عين ريلج ويجمل ريلج ي عينج ربي يحفظكم ويخليكم لبعض وتعيشون بسعادة وهنا ان شاء الله
آآآآميييييييييين يآآرب
الغلا بغيت اسألج عن كوشة الحنا التراثية وين مسوتنها ؟؟ وكم كلفتج ؟؟
وعن لبسج الاحمر كم كلفج ؟؟
وحناج ماشاء الله رقيق وناعم
وحسيت فستان عرسج بعد غاوي من وين مستأجرتنه ولا مفصلتنه ؟؟ وكم كلف
اسمحيلي وايد سألت بس الاخت ع وشك زواج خخخخخ وطبعا ومنكم نستفيد
ماشاء الله كل شي حلو ومرتب