السلام عليكن بنااات ^^
حبيت احط تجربتي عن منتجات MACADAMIA للشعر من نزيه …. بعد ماشفت موضوع اختي الغاليه أناناسة
https://forum.uaewomen.net/showthread.php?t=856644
طبعا انا اشتريته عقب ماشفت ان البنات بعض البنات يمدحوونه.. وقلت بحط تجربتي بعد ما استعمله مرتين ع الاقل عشان اقيمه عدل ^^
وهذي صورة المجموعه
اول شي بخبركم عن طبيعة شعري,, لانه ممكن تختلف النتيجه من وحده والثاينه على حسب طبيعة الشعر ,,,
الله يسلمكم شعري بين الناعم والخشن,, مب حرير ومب وايد كيرلي يعني وسط,,, متقصف للاسف من الصبغات والشسواار… وايد باهت من كثر السشوار 
عاد انا ما اقدر اجابل ريلي بدون سشوار خلاص تعودت ايكون شعري مرتب دوم,,, عاد للاسف هالتعويد خلا شعري يبهت ويتقصف وصار اخف عن قبل بشوي 
انا خذت من نزيه الماسك ,, والزيت وشكله مثل السيريوم
هذيلا صورهن
الماسك 190 لانه كبير ,,,
والزيت ب 170,,,
السعر شوي غالي لان الموجوعه ب 500 اعتقد ,, بس ماحبيت اخذ المجموعه كامله لين اقتنع ^^ تراني عياآآآآزه وما بستعمل كل شي ^^
شكلي وايد طولت,,,,, النتيجه,,,,, بعد مرتين من الاستعمال طبعا اتسبح بالشامبو,, وبعدين انشف شعري شووي بالفوطه واحط من المااسك واكمل باقي الشوور اخليه تقريبا 10 دقايق,, و اغسله وعقب انشف شعري بالسشوار كالعاده واحط الزيت ,,,
النتيجه كااانت ورررررررررعه شعري وااايد انعم وفيه لمعه حلووه وريحته تخبببببببل تخلييج فرش كم يوم ^^,,, البهتان الي في شعري واايد خف,, يعني 90% منه ,, التقصف تقريبا ما يبين الحين,, ومافي شعيرات صغار متطاايره لاني ماا احبهن مووول ,,, الصرااحه وايد حبيته وجيمته فيه يستااهل,, وشكلي من يخلص عني بروح اخذ المجموعه كلهااا ^^
هذي تجربتي وان شاء الله تفييييدكم,,, وأي استفسار انا حاااضره
في اشياء وايد عند نزيه ممتازة
بس نزيه وين بالضبط ما ادله
المشاركة الأصلية كتبت بواسطة لؤلؤة الخليج1 
في اشياء وايد عند نزيه ممتازة
الله يبارك فيج الغاليه,, تسلمين ع الرد والمرور
المشاركة الأصلية كتبت بواسطة برق لمع بس نزيه وين بالضبط ما ادله
حبوبه انا خذته من نزيه في البوداي مول – العين وما ادل مكانه في دبي وبوظبي ^^
ان شاء الله الي تعرف بتفيدج
تسلمين ع المرور
ومشكورة وتتهنين بشعرج والله يحفظج
وشكرا على طرح تجريبتك