يعايرني ليش اهله يعزموني ويوجبون واهلي من عرسنا لين اليوم ماعزمونا وفشلوني حتى فصباحيتي ماسوا شي عسب جي طاحوا من عينه انزين امي وابوي مشاكل وابوي ماخذ وحده ثانية وهامل بيتنا شو ذنبي؟؟
اذا هم ماوجبوا شو ذنبي تعايرني وكل يوم تسمعني هالموال ؟؟؟
يعني اجبرهم يسون غصب ؟؟؟ هم اصلا ماكانوا راضين اني آخذه وصارت مشاكل فالعرس وهو ماشي حقود ماينسى السالفة لين اليوم وباجر يعاير ويسب
اونه ويهج مايحترق يوم اخوي وحرمته يطلعون معزومين بيت عمته انتوا شو واهلج شو ؟؟
علموني خبروني شو اسوي تعبت ملييييييييت من هالموال ادري اهلي غلط ومقصرين فحقي بس للمصلحه بس شو اسوي هاي امي وهذا ابوي ملزومه ابرهم يبا يقطعني من شيره مايباني ازورهم ولا اطلع وياهم خاصتن امي تعبت ملييييييييت والله مليت كرهت اليلسه ويا اهله كرهت المعاير كرهت كل شي يارب صبرني مب كفاية الهم اللي شفته يوم كنت صغيره ذقت العذاب والعنا والشقى بعد الحين مب مرتاحه هذا وانا حامل شو مصير الياهل ليش يتعذب مثل ما انا تعذبت
بس مالك خوات او خوان كبار ممكن يكسروا عينه شوي
شوفي كم لج من الاجر ترى هذا كله لج فيه اجر كل كلمة يعقها عليج وانتي ساكته لج اجر فيها
كثري من الاستغفار ترى يريح القلب
وفي النهاية اهلج وما تقدرين تستغنين عنهم فهميه بالحسنة ان مثل ما هو يحب اهله وراضي فيهم مثل ما هم انتي بعد تحبي اهلج وراضيا فيهم مثل ما هم
ولازم تتعلمي التطنيش لانه احسن حل
لا تعوري قلبج على شي ما يسوى
الله يعينج ويفرج كرتج
ابتسم الحياة لحظات لاتضيعيها بالزعل
شو تسوين فديتج هذولا اهلج وهذا ريلج
كلمي ابوج قعدي مع ريلج
ماضاقت الا الله بيفرجها
واصبري ان الله مع الصابرين .. لايضايقج كلامه طنشيه .. الا عزيمه هي يعني شو .. و امج ابوج واجب عليج .
طولي بالج ولاتتحسسين وايد .. وانتي حامل الحين راعي اللي في بطنج
و قوليله ان الكلام اللي يقوله لج يضايقج .. بدون زعل و تجريح ..
والله يكون في عونج حبوبه
واي تالي الليل يبا يراضيني يحضن ويبوس على باله برضى بسرعه جي لعب يهال ولا مصخره ؟
بعد انا استحي اقول لاهلي سوا ولاتسون انا اشتغل وشكلي بعطيهم بيزات بقولهم سوا وسكروا حلجه المشكلة ابوي مايطيجه واهلي مب متقبلينه لانه جلب ومتلعوزه وياه وكرهوه من يوم ما مد ايده علي ولا يدخلون بينا ولا يطبون البيت يزوروني اصلا انا وايد زينه ويا اهله وحاطتنهم فعيني وماقصر وياهم حتى فمونة البيت اشتري واساعد واعاون بس مايبين فعينه شو اسوي ؟؟؟