تعالو وتعرفو على سر من اسراري ! – نضارة البشره وحيويتها – للقضاء على السمنة

السلام عليكم ورحمة الله وبركاته ،،
شخباركن يا بنات حواء الجميلات
موضوعي اليوم مثل ما انتو قاريين فوق من العنوان ،،
سر من اسرار نضارة البشره وحيويتها

السر هو – ماي الورد –

هذا الشي جدا جدا مفيد ماتتخيلون كيف يخلي البشره
داومو عليه و ان شاءالله بتطلعون بنتيجه حلوه وبتدعولي ،،

الحين نيي للطريقه ،،

اكيد كل وحده منا عندها علبة بخاخ فاضيه بحكم اننا نستخدمها لاشياء وايده فالبيت ،،
ولو ماعندج فضي وحده من عندج وعقميها زين ،،
انتبهي تخلين فيها بقايا عطر او غيره عشان ما يأثر ف بشرتج

وتقدرين تحصلين علب بخاخات فاضيه ف محل دايسو ،،

وهذي شكل علبة السبراي

الحين حطي داخل الغرشه ماي ورد وخليها داخل الثلاجه
كل ماكان ماي الورد بارد كل مافاد بشرتج اكثر ،،
بخي منه على ويهج يوم تنشين من رقادج بعد ماتغسلين ويهج بغسولج
وبعد يوم بترقدين نفس الشي على بشره نظيفه ،،
وكل مافتحتي الثلاجه شلي الغرشه وبخي على ويهج ،،

النتيجه :

انتعاش + توريد البشره + نضاره وحيويه ،،

ولازم لازم لازم تشربون ماي لترين يومياً ،، ( 8 اكواب )
والله بتشوفون نتيجه حلوه صدقوني وبيصير هالشي جزء من روتينكم اليومي ،،

لا تنسوني من دعواتكم الطيبه خواتي ،،

ما قصرتي ام فهودي لكن سمعت انه ماي الورد ما ينفع للبشره الجافه شراتي
اما شرب الماي يوميا ياريت اوصل مره ل كوبين في اليوم ما اعطش هههه
جني سفينة الصحراء اخزن ههه

وايد اشرب ماي ، اول ما انش لازم اشرب دبة نص لتر ،
و ماي الورد خذت المركز ، لونه احمر ع وردي ، طلبته من الهند و فيه طعم مر ،
هذا دوم استخدمه بس ما اعرف انا ما الاحظ اي شي ع البشره الا عقب ما اهملها وايد ثم ابدا اهتم فيها ساعتها بلاحظ النضاره و غيره

مشكورة ام فهود المعلومات وعالنصيحة
يجعلها في ميزان حسناتج ان شاء الله
حبيت افيدكم بعد بتجربتي مع ماي الورد
تضيفو ماي الورد للماي الي تشربونها
وايد زين للبشرة الجسم كله يعطيه نظارة واشراقة
انا عن نفسي اضيفه للماي الي اشربه صارلي اربع شهور
الصراحة فرق وياي وبشرتي نظرة
مساءكم سعيد خواتي

هيه اكييد لازم تشربين ماي ،،
لان مافي شي موليه يعوض عن الماي

ههههه الله يهداج والله مب زين جي ،،
ربيعتي ياها جفاف حاد وطاحت فالمستشفى لانها ماتشرب ماي
تحملي على عمرج حبيبتي ،،

هييه صح انا سمعت شي فرق بينه وبين المركز ،،
اتوقع المركز احسن لانه بدون اي اضافات
واعتقد موجود عند العطارين ،،

تسلمين حبيبتي على مرورج

العفو حبيبتي ولو ،،
صح كلامج انا بعد اشربه مع الماي العادي 
ونسيت اقول هالشي ،،
والله حتى ريحة جسمج تفرق لما تشربينه

تسلمين حبيبتي عالمشاركه :*