تحذير (حنى التنعيم)

السلام عليكم ورحمه الله وبركاته
بنااااااااااات تحذير من حتى تنعيم الشعر (حسبي الله ع اللي تبيعه جان تعرف انه يخرب الشعر وللحين تاكل مال حرام وتضحك على البنات)
تخيلن اليوم سرت صالون فالعين عسب اصبغ شعر من فتره طلويله مب صابغه ولان شعري وايد يطيح وقصير قلت ياله عيد بغير شوي بصبغ اول ما يت حليلها اللي بتصبغ شعري قالت انتي شعرج الطبيعي جيه لونه قلت : لا قالت من متى انتي صابغه قلت من سنه تقريبا (قال غريبه من سنه ولين الحين شعرج اسود عاد خبرتها السالفه اني محنيه شعر بحتى اسود وينعم الشعر جاااان تقول لا عيل ما اقدر اصبغلج بس البدايه بسوي تست على خصله وحده بس من نص شعرج وانا فخاطري اقول عنبووووه سايره مختبر مب صالون وحطت الصبغه وبس يلست دقيقتين جان اسمع صوت من داخل القصدير اللي فيه الصبغه صووووووووت ما ادري كيف اوصفه صوت تفاعل . وشوي سرت اصكه وحسيتبه وااايد حاااااااااار وعقب تم ينزل مااااي حااااااااار حااااااااار واقول حق الفلبينه تعالي غسلي شعري بسرعه عاد الفلبينيه ارتبشت وسارت زقرت المدام اول ما فتحت القصدير طاحت خصلة شعري ولونها اشقر على ابيض وكله الصبغه استوت رغوه ومااااااي والله شوي وبصيح قلت لو ما سوتلي تست شعررررررري كله بيصيح (يزااااها الله كل الخير فديتها ما قصرت وياي شافتني زغت قالت هاي الحنى فيها مواد سامه واملاااااح بدرجه كبييييييييييييره تخرب الشعر وتخليه يطيح بس انصحج تاخذين شامبو يخفف من درجه الاملاح فشعرج وفيه كيراتين وان شاء الله شعرج بيرد شرات اول واحسن ) وبعد اللي باعتني الحنى اول ما استخدمته ما حسيت بفرق بعد ما خليته فشعري يوم ونص ويا الزيت طرشتلها مسج كتبت انه ما نفعني جان اطرش والله انا قلت اللي ما نفعها اول مره تشتري مره ثانيه وتستخدمه طبعا اسلوبهاا قبل ما اشتري عسل وبعد ما اشتريت زففففت حسبي الله عليها وهي من المدونة واذا قرت المووووضوع اقوللها بس خااااافي ربي وهي تبيع هالزفت اللي تسميه حنى فاكثر من مدونة )
وسمحلي بنات طولت عليكن بس حبيت افضفض واحذر كل بنت حابه تشتري هالحنى
دعولي باي شي حلووووو

بنات لو ما عليكن امر رفعن المووضوع عسب كل بنت حابه تشتري هالحنى (تغير رايها )

حسبي الله و هو نعم الوكيل..
احين الواحد قام اييب اشياء مني و الدرب و ايبيعها..

المفروض يكون فيه قانون انه هالمنتجات ما تنباع الا بترخيص من الصحه!!!

حَسْبِيَ اللهُ ونِعْمَ الوكيلُ ،
حَسْبِيَ الربُّ مِن العباد ،
حَسْبِيَ الخَالِقُ من المخلوق ،
حَسْبِيَ الرازقُ مِنَ المرزوق ،
حَسْبِيَ الذي بيده ملكوتُ كُلِّ شىءٍ ،
وهو يُجيرُ ولا يُجَارُ عليه ،
حَسْبِيَ الله وكَفَى ،
سَمِعَ الله لمنْ دعا ،
ليس وراء اللهِ مرمَى ،
حَسْبِيَ الله لا إله إلا هُوَ ،
عليه توكلتُ ، وهُوَ ربُّ العرشِ العظيم !!

حسبي الله ونعم الوكيل
الله يكون في عونج اختي

بس انا الي اعرفا انه هلحنة من شروطها انه الوحدة ما تصبغ شعرها بعدها
يمكن كان لازم تخبرج هلسالفة الي باعتج الحنة
ان شاء الله ما عليج شر

والله ما ادري شو سالفه هالمنتجات الغريبه بعدين انا طرشت حق الاداره وطرشت حق اللي تببيع انهم يقفون هالحنى لان فيه ضرر كبيييييييييير للشعر بس لا حياة لمن تنادي (لانهم مب حاسين بالقهر اللي فينا بعد ما جربنا هالحنى وكيف استون شعورنا) الله المستعان