السلام عليكم
كل وحدة تحط
تجربتها من الماكييرات و الكوافيرات لعام2020 فقط
حتى يكون الموضوع فرش و يديد
و كل البنات يرومون يستفيدون منه
اسم الماكييرة:
من اي امارة :
سعرها في صالونها او برى الصالون :
رايج و تجربتج للمكياج:
اسم الكوافيرة:
من اي امارة :
سعرها في صالونها او برى الصالون :
رايج و تجربتج للشعر:
تسوي من مخها ماتسمع لج شو تبين او تعرف انتي شو ستايلج تقول انا ماحب
حد يقولي ولا يراويني صور ..اوكي مابتشرط بس ع الاقل اعرفي اني ابا ناعم او دفش
يعني ابسط مثال فعرسي ستايلي جدا ناعم فستاني والقاعه ماتخليني اقوللها ان ستايلي ناعم
حطتلي من مخها سموكي وايد قهرني هالشي .. والشي الثاني خلتني لين عشر ونص فبيتها مب مخلصه لا قدرت اتصور ولا اسوي شي كل شي مال بسرعه بسرعه ..
ملاحظه ؛ الميكب نظيف وايد ومرتب لكن هالملاحظه مهمه ف اختيار الماكيره ..
اسمها منال الشامسي من دبي .. ماتمكيج برع بس فبيتها سعرها 3500ويالشعر للعروس
الله يرزقها من فضله واتمنى تغير من اسلوبها وتسمع للبنت مثل باقي المصممين وغيرهم يسمعونج للاخر كيف ستايلج وشو فبالج ويساعدونج فالاختيار
اسم الماكييرة: جيتـا
من اي امارة : بوظبي
سعرها في صالونها او برى الصالون : داخل الصالون اظن ب٣٠٠٠ وبرع ب٧٠٠٠ درهم
رايج و تجربتج للمكياج: عيبني مكياجها، لانها عرفت ترسم عيني مثل ما انا ابا و سمع رآي للاخر ، وعقب عطتني رايها شو اللي يناسبني وشو الي مايناسب ويهي
وخيرتني بين لوكين ع اساس انهن يناسبن ملامحي وعيوني وفعلا طلعت مثل ما اتخيلت و احلى كان الميكب كانه سموكي بس خفيييف
اللي ماحبيته انها تآخرت علي واخرتني و خلصت ميكب وشعر الساعه ١٠ ونص ، مامداني اتصور وعلى طول عالقاعه
اسم الكوافيرة: ماعرف شو اسمها ، بس هي كوافيره العرايس اللي تكون مع جيتا دايما
من اي امارة : بوظبي
سعرها في صالونها او برى الصالون : ٧٠٠٠ شامل الميكب والتسريحه
رايج و تجربتج للشعر: حبيت تسريحتها وايد ، كانت بفف و خلته مفتوح نازل على ينب و الطرحه من فوق نازله على ويهي مع اني ماكنت ابا جي بس اقنعتني وطلع شكلي النهائي حلووو الحمدلله