▓█ تجمع لبنات الشعر الناااعم السااايح الحرير ^__^ █▓

شحالكم أحلى ملكات بتاج الحرير .. ماشاء الله تبارك الرحمن

اليوم فكرت أسوي تجمع للبنات اللي شعورهن حرير وناعم

وأتمنى يكون تجمع حلو ونطلع بفايدة حلوة

الحمدلله على النعمة .. يمكن وايدات غيرنا يتمنن الشعر الناعم ولهالسبب بتشوفون منتجات تنعيم الشعر لا تعد ولا تحصى .. والله رزقنا بنعمة كبيرة والحمدلله

الشعر ينقسم لأنواع كثيرة

منه المجعد

والمموج

والناعم

المجعد شي منه شعر مجعد ملمسه ناعم .. وشعر مجعد ملمسه خشن
ومن أكثر أنواع الشعر صعوبة في التعامل خاصة بالتسريحات .. أما الاهتمام .. مدري !!

والمموج .. اللي أشوفه أحلى أنواع الشعر .. أغلب الناس شعورهم ناعمة من النوع المموج .. أحس وايد تسريحات سهلة لهالشعر .. حتى لم الشعر والقباضات والشباصات سهلة الاستخدام وتمسك على هالنوع من الشعر .. والاهتمام بعد مدري !!

والشعر السايح .. حرير ملكي ماشاء الله

والأغلب يتمنى هالشعر .. هع هع

بس الحلو ما يكتمل

مشكلة الشعر الناعم

صعب التعامل وصعب الاهتمام وصعب التسريحات وصعب المثبتات تثبت أو القباضات العادية والشباصات

التسريحة بأقوى المثتبتات مايمر ساعه إلا هو (( جنك يازيد ماغزيت )) هع هع
القباضات .. موب أي نوع نقدر نستخدمه ونثبت فيه الشعر
الشباصات الكيوت .. معااااناة والأفضل ننسى وجود هالشباصات
شرات البنوتات الصغار يكون شعورهن جي ما يثبت شي !!

والاهتمام .. صعب وايد

والسبب

اللي لاحظته من شعري

يوم أقارنه مع الشعر المموج والاجعد

الشعر الناعم .. تكون الشعرة نفسها ضعيييفه .. ممكن أي سوء إهتمام يطيحه ويكسره !!

واللي أعاني منه حاليا .. التساقط

يمكن سوء تغذية

يمكن سوء إهتمام

يمكن شي ثاني

بس في تسااااقط !!

وبهالتجمع إن شاء الله نتبادل معرفتنا بالعناية بالشعر الناعم

أتمنى من جميع الملكات المشاركة

أترياكن عشان أكتب لكم طريقة عنايتي الخاصة بشعري

الموضوع والكلام رأيي الشخصي لاحد يزعل