(((( تجربتي مع زيت اللوز المـــر )))) مشاكل السمنة

حبيت أنقل لكم تجربتي مع زيت اللوز "المــر"
المر فوايده للبشرة ، اما الحلو فوايده للشعر لنه ينعم و ينبت الشعر يقولون

هذا زيت اللوز المر وينباع عند العطارين بتحصلينه بـ 5 او 10 لا يقصون عليكم في النت ويقولون اصلي وما اصلي ومن برع وغيره كله كلام فاضي ، سيروا اي محل اعشاب قريب بيتكم وبتحصلونه

زيت اللوز المر كان الحل الأمثل لبشرتي الدهنيه + مختلطة + كلف اللي هي العلامات من حب الشباب و غيره + حبوب عاديه مال قبل وبعد الدوره + سواد في بعض مناطق الوجه مثل حول الشفايف واطراف الويه والرقبه ….. إلخ

ههههه ماتم شي الحمدلله
المهم

خصائص زيت اللوز المر :

تحسينه شوي جاف مب مثل باقي الزيوت، يعني ينحط ويجف تقريباً هو وايد زين حق البشرة الدهنيه لنه يوازنها و يقلل من الافرازات الدهنيه وبالتالي يقلل الحبوب اللي تتكون بسبب الافرازات الزايده و الرؤوس السوداء و هالسوالف و يساعد على توحيد لون البشرة ويخفف السواد
وينشف الحبوب الصغيره و يزيلها.

ما حسيت انه طلع شعر في ويهي اكثر مثل زيت الزيتون

الشي الوحيد اللي ماعيبني فيه انه شوي يوسع المسامات لني احط الزيت ع ويهي فالليل ، و الليل هو الوقت الوحيد اللي اقدر استفيد منه
بما انه ينشف البشرة شوي ويزيل الدهون ، يمكن عشان جي شوي المسامات تكون مفتوحه يوم أنش
لكن ترومين ترشين ماي ورد او تحطين ثلج كل يوم صبح و خلاص ، او تحطينه بس على المناطق اللي فيها مشاكل مب لازم كل الويه

قريت وايد انه يفيد اكثر شي في الكلف و العلامات و التشققات او السترج ماركت بس ماجربته على جسمي لنه احس توزيعه شوي صعب لازم تحطين كميه اكثر.

اللي تبا بشره صافيه في فتره بسيطه عليها بزيت اللوز المر
لكن ما انصح اللي بشرتها حساسه او اللي تعاني من حب شباب والتهابات تستخدم شي غير طبي، ولازم بوصفة طبيه طبعاً ، عالاقل تتعالج وبعدين تعتني ببشرتها.

نصائح ممكن تفيدج: ادخلي هالموضوع