بنوتات الحلوات الدبدوبات
يبت لكم ريجيم أكيد الكل سمع عنه
ريجيم "العيش والروب"
أنا قريت وايد عن هذا الريجيم وعن تجارب البنات فيه والكل كان يقول أنه ينقص عليه
وكنت منصدمة كيف عيش وروب و الوزن ينقص لهل الدرجة
فطبعا أختكم ما تثق في شي الى لو جربته
عشان جيه قلت بجربة في الويكند
وكان ويكند جدا كئييب
ليش ؟؟
لأن الأكل كان وايد ممل وأنا وحده ماحب أطلع من البيت الى عشان اسير مطاعم وكوفيات
بالمعني الصريح عشان أكل
اوكي خلونا مني
المهم سويت الريجيم يومين
الجمعة
السبت
وبخبركم عن التفاصيل
يوم الجمعة الصبح نشيت الساعة 9 وغسلت عيش و شخلته أكثر عن مرة (عشان اتخلص من الكربوهيدرات)
وحطيته على النار أول ماغلي شوي وبدأ يطلع البياض في الماء كبيت الماء وخليت شوي ماء على العيش و زودت شوي عسب ينطبخ على راحته
وخليت العيش قريب الربع ساعة ينطبخ على نار هادية
أهم شي ماتحطون ملح أبدا أبدا على العيش
طريقة الأكل:
– كنت أكل العيش مع روب كامل الدسم (المراعي) و حط عليه شوي شطه
ملاحظاتي على الريجيم:
– الأكل مشبع جدا جدا .
– يسد الشهية بشكل فظيع .. يعني أول يوم كلت ملة الشوربة الصغيرة كاملة عيش وروب ريوق .. بس ثاني يوم مارمت اخلص النص
– كنت أكل ريوق وغداء ومن بعد الغداء تنسد شهيتي مالي خاطر أكل أي شي الين اليوم الثاني.
– ترومون تشربون عصير برتقال فرش بدون سكر (أنا شربت ثاني يوم على العشاء بس)
المهم الي أنا متأكدة كلكم تنتظرونه
كم نزلت؟؟؟
نزلت 2 كيلو في يومين ماشاء الله
ماشاء الله
ماشاء الله
الله لا حسد
وبنات لاحظت شي أكثر شي بان النقصان في الكرشة وايد خفت .. بالنسبة لي اختفت تماما ماشاء الله
الى عندها أي أسئلة على العام ما اجاوب على الخاص أبدا أبدا …
والجسم يحتآآآج لجميع العناصر الغذائيه
فـ بالتقليل الوحده بتخف جرامات ومن ثم الكيلو جرام لين توصل لهدفهآآآآ
واللي اعرفه العيش يسوي كرش
/
/
مبروك النزول حبوبه
وماانصحج بالحرمااااااان
موفجه 
المشاركة الأصلية كتبت بواسطة شويعني 
هيه كل ما تجوعي تاكلين عيش وروب
وعصير برتقال مسموح 3 في اليوم بس آنا شربت واحد بس
بس اصلا يسد الشهية ويشبع
وما تحسين باي شبع
المشاركة الأصلية كتبت بواسطة دلوعة زوجي والجسم يحتآآآج لجميع العناصر الغذائيه
فـ بالتقليل الوحده بتخف جرامات ومن ثم الكيلو جرام لين توصل لهدفهآآآآ
واللي اعرفه العيش يسوي كرش
/
/
مبروك النزول حبوبه
وماانصحج بالحرمااااااان
موفجه
مشكورة فديتج
والعيش منو قال انه يسوي كرش
لا فديتج
العيش مالنا هو الي يسوي كرش لان كله دهون يعني البرياني مالنا ولا المكبوس شو السعرات الي فيه جدا عالية
بس هذا مشخول اكثر عن مره وبدون ملح فيخلص الجسم من السموم و السوايل
وانا ان شاء الله ببدأ فيه مره ثانية بس هالمره بضيف صحن تبولة بدون زيت زيتون و لا برغل او ملح