تجربتي مع جهاز الديرما رول خلال سنة مشاكل السمنة

مرحبا بنات اشحالكم

حبيت اكتب تجربتي عن الجهاز

ماشاء الله تبارك الرحمن

عمري ما تخيلت ان شي حل لبشرتي اعاني من مسامااات كبااار كبااار في خدودي وخشمي بعد

ومبينه عمري كبير واللي فيها وتعاني من المسامات هي ادرى بهالشي

ونفس الشي عندي حفر بس مب كثر المسامات

المهم جربت الجهاز من شهر واحد يعني من بداية السنة ولليوم استخدمه

استخدامي له كان لبشرتي مقاس واحد ونص + شعري مقاس نص

اختي عمرها 14 وعندها حب شباب ونفس الشي استخدمنا لها مقاس نص

وحده من ربيعاتي بعد كانت عندها بقع حبوب اتيها بين فتره وفتره اختفت والدهون خفن وايد

المهم ان الحفر اللي في ويهي اختفن 90%
المسامات 85 % وفي اماكن اختفن ولله الحمد

ترى انا شهر 6و7 و8 ما استخدمت الجهاز الا كل شهر مره لان كنت بزي ورمضان ومب متفيجه

وحاليا بشرتي الحمدلله احسن من قبل واي حد ماشافني من فترة يقولي احلويتي وتغيرتي ماشاء الله وهم مايدرون شو السبب وطبعا اخبرهم

احب لااخيك ما تحب لنفسك

اختى حاليا فيها بقع الحب ويطلع لها شي بسيط حتى الدهون خفت واايد

وربيعتي افتكت وصار لها فتره ما استخدمته وهي كان مقاسها واحد

انا استخدمته يارتن A مثلا استخدم الجهاز يوم السبت وبالاحد قبل النوم ابدا استخدم الرتن

ترى ممكن تصير بقع في بشرتكم بس بتروح لانها تتقشر

واستخدمت سيروم فيتامين سي من ريكسول + منتجات ثانيه ما اذكرهااا

وبعد افكر عقب الدايت استخدمها للتشققات اللي ملوعه جبدي

وووووو اي سؤال انا حاضرة

وحبيت افيدكم لاليزر ولا خرابيط ماشي احسن عن الديرما رول بس اتبعي الطريقه الصحيحه للجهاز

وانا استغرب من اي وحده تقول ما فادها واكيد 100 % استخدامها غلط لان لازم يطلع دم

بس اللي تخاف من الدم لاتقرب صوبه شرات عمتي فديتها بغت تاخذه بس يوم خبرتها وان لازم دم

يطلع انصدمت حساسه فديتهاا دعواتكم لها الله يشفيهاا

واي وحده حابة تسال ولا عندها استفسار تحط هني وان شاء الله ما بقصر بالرد

وبث