تجربتي مع المكياج الكوري :*- الجزء الثاني

*****

هني بحط اغراض الفيس شوب بس.. وفي موضوع ثاني باحط الماركات الثانية..عشان التسلسل..

اول شي براويكم هالعطر الجميل.. وايد عجبني.. عبارة عن عطر مثل الشمع تحطينه مواضع النبض مثل الايدين ووراء الاذن.. فيه انواع بس انا عجبني هذا الازرق..

عطورهم بشكل عام حلوة.. من سنين وانا اشتري عطر اسمه soul..ب 60 درهم..ومن يومين رحت ادوره فراوتني يمكن 6 انواع له نفس الاسم.. صدق احترت وقلت باخذه في وقت ثاني.. لان المحل كان زحمة..وانا ما كنت اعرف شو ابا..

*****

المنتج الثاني هو عبارة عن مجموعة تبييض.. غسول للوجه مع تونر مع كريم..قلت ببدا فيهم لان معظم اغراضي القديمة خلصت.. ومن عقب ما رجعت من العمرة حسيت بشرتي صدق تعبانة من السهر والاكل المتلخبط وقلة الاهتمام..

اول يوم حسيت طلعت حبوب صغيرة في ويهي.. وخفت تكون حساسية..بس كملت الاستخدام..
والحين كملت ثلاثة ايام..راحت الحبوب..الغسول والتونر اوكي.. الكريم ما يرطب الوجه وايد..يعني لازم احط مرتين او ثلاث.. بعده مافي تفتيح لاحظته..بس اعتقد هذا يباله وقت..باكمل شهر ان شاء الله وباخبركم..

*****

ثالث منتج هو الكريم البركاني.. حق الحبوب السوداء على الانف..يكون مثل الكريم تحطينه على الانف..وعقب 5 دقايق يجف وتشيلينه مثل اللصقات مال الصيدلية.. انا حبيته واستخدمه مرة في الاسبوع.. حسيته احسن من اللصقات.. ما سوى مسام مثل اللصقات.. اختي جربته وقالت انه يعور يوم تشيله..بس انا حسيت عادي.. ما ادري..

اختي جربته حق الذقن..بس قالت انه ما ينفع.. انا ما جربته هناك الصراحة.. هي صورته..

*****

رابع منتج هو مقشر الجسم.. انا احب الحمام المغربي ومقشرات البودي شوب.. وهاي اول مرة اجرب شي ثاني.. حسيته نفس الشي.. يعني مافيه شي يديد..وعشان يعطي احسن نتيجة..لازم يجف شوي قبل ما تفركينه..بس بشكل عام لا باس.. بس يمكن ارجع لاغراضي المتعودة عليها عقب ما يخلص..

*****

خامس منتج هو مقشر التفاح للوجه.. حلو بس لازم يجف قبل ما يعطي احسن نتيجة.. بس ياخذ دقايق لين يجف..بس لا تستخدمونه الا في الاسبوع مرة.. لانه واايد يجفف البشرة..

*****

منتج رقم ستة.. حق المسام المفتوحة.. لان الكريم اللي استخدمه خلص.. فقلت باجرب شي يديد.. مثل الكريم تفركينه كمساج لمدة 5 دقايق.. انا استخدمه كل 3-4 ايام مرة.. واول كم مرة الكل لاحظ الفرق..بس مع الوقت ما احس يعطي نفس النتيجة.. و انا استويت شوي كسولة وما استخدمه غير في الاسبوع مرة.. ما ادري..

*****

المنتج الاخير هو منتجات الشعر.. بس باتكلم عنها اكثر في موضوع الشعر.. عشان ما اعيد الكلام..

*****