[][][][][] تبين طريقه سهله تفتحين قفل الموبايل [][][][][] رعاية الاطفال

اليوم حبييت اتكلم عن هالمووضع لاني تقريبا واقعه فيه

اكييد اغلبكم ريايلهم قافلين موبايلاتهم وتبووون اتعرفون كلمة السر

وانا ريلي منهم وفوق هذا بلاك بيري يعني اتعرفين شو المود والصوره و و و و

وانا من شهرين تقريبا صار عندي بلاك بيري طبعا زاد الفضول وزادت الشكوك وخاصه يوم يحط قلوب وهالسوالف وانا متاكده انها مو لي لانه نادر ما يصير حديث بينا

فقلت لازم اشوف وابرد فؤادي وقلت بستغل الوقت يوم ينش الصبح ويدخل يسبح

بس اكتشفت انه يقفل ويهده ودايما يسوي هاي الحركه

وكل يوم على هالحال في شكوك وفي قلق

ومره وصلني كلام جميل …………… وغير من شكوكي

..قد يكون صعبا تحكمك بعواطفك .. ولكن بعد التعود ..ستجدين متعه خاصه بذلك ..اذا خرج لن تشغلي نفسك اين هو ؟؟ ..ماذا يفعل ؟؟ ..لماذا تأخر ؟؟ ..ستكونين مشغوله بنفسك ..ومستمتعه بنفسك ..كم هذا راائع ..
(( عيشي حياتك ..وخليه يعيش حياته .. واذا التقيتوا استمتعوا باللحظات التي جمعتكم ))

عيشي حياتج واهتمي بمنظرج بهواياتج واي شي يشغلج عن الشكوك

بعد ما قريت هالكلام قلت صح انا ليش عايشه في قلق

وانا اصلا اذا شفت موبايله بعيش في مشاكل وبدمر حياتي وبيبدأ سوء الفهم

فوعدت نفسي ابد ما المسه حتى لو شفته مفتووح مو مهم هو شو يسوي ولا منو يكلم

المهم هو كيف وياي >>>> وخل اعيش اللحظات الحلوه وياه

انا نزلت الموضوع عشان احصل تشجيع منكم واللي بتسوي مثلي انها توعد نفسها ما تحاول اتخرب بيتها بايدها باواهم وشكوك ما لها معنى >> والسموحه على التعبير لانه مب شاطره في التعبير

وبهاي الطريقه بتفتحين صفحه يديده خاليه من الشكوك

عافته نفسي لو ينسى ما افكر افتحه …………… الحمدالله على هالنعمة

وموضوعج حلوووووووووووووو وتسلمين يالغالية

الله يهدي ازواجنا ويهدينا ويبعد عنا بنات الحرام وعيال الحرام

تقدرين اتقولين اول ٣ سنين كانت اغلبها مشاكل وكلها من هالسالفه كنت افتح موبايله واقرا المسجات

في بنات بس كانو زميلاته في الشغل صح المسجات ما كانت مسجات حب

بس بعد اتغارين وتنقهرين واتقولين شو تبا من ريلي

لكن شو الفايده هذا طبعه وما قدرت اغير شي بالعكس كل شي ينقلب ضدي

ابتعد عني حياته خاصه ما يرمس وياي يوم اعرف السبب قال انتي تفهميني غلط

في النهايه قلت لازم انا اتغير واعيش الواقع انا حاليا اثق فيه لانه هو يعرف حدوده ريلي مب لعاب والحمدلله بس

يكلم زميلات العمل هم وراه وراه

وحاليا الحمدلله مافي مشاكل بينا والسبب الثقه

وتسلموون على الردوود