تأخر الدورة بدون حمل لحياة صحية

السلام عليكم ورحمة الله
اشحالكم بنات
احس اني بتخبل الدورة تأخرت اكثر عن اسبوع ؟
احس بآلامها واقول نزلت اسير الحمام ما احصل شي خبلت بي سويت فحص بول فوق المليون مرة ما بين وياي شي المشكله انه عندي ضعف في المبايض يعني انا خايفة يكون هالشي بسببه انا عندي الدورة منتظمة كل 32 يوم بس ماادري شو السالفة…ولاحظت صدري كبر وما في الم نفس كل دورة
أحس بنغزات احيانا صوب المبايض شو اسوي

الله يعينيج ..
حللي دم وشوفي يمكن في حمل ومايبين في تحليل البيت…

للرفع

اختي

ليش تعبين عمرج ؟؟روحي سوي فحص دم اريح لج
وان شاء الله تكونين حامل يارب

ان شاء الله حااامل

بشرينا

صبري انتي بس اذا يتج الدورة سيري امتسحي اعرف وحده دورتها منتظمه تأخرت مره عليها 10 ايام وسوت التحاليل كلهن حتى تحليل دم قالولها ماشي حمل وبعدين يتها الدوره …يمكن النفس عندج نازله امتسحي والله يعطيج الذرية الصالحه

وان شاء الله حامل

تسلمون بنات عالردود والدعوات الحلوة ….انا رمست الدكتورة قالتلي اتريي يومين عقب تعالي سوي فحص دم انا بتريا و بشوف وان شاء الله خير انا اللي مضايجني اني احس مثل تقلصات الدورة تروح وترد اسبوع على هالحال وصايرة عصبية وايد والموووووووووووود عزيرو ….الجازي شو يعني النفس نازل ما فهمت سوري وايد اسال …وفي شي ثاني من يومين عندي افرازات بيضاء تشبه الخيوط ….اتحسبها الدورة واركض عالحمام