هذا الموضوع يناسب اللي عندهم استفسار عن تأجير السياره في اوروبا وعموما السياره تنفع اللي بيسيرون كعائله (وحتى مجموعة شباب) او عرسان توهم متزوجين وخصوصا ان الطريج كله خضره وطبيعه خلابه (الخضره والماء والوجه الحسن)….
اللي بيسيرون سويسرا او فيينا فأنا انصح تأجير سياره من بلادنا لانهن اغلى (هذا اللي اعرفه) اما ميونخ فهيه ارخص منهن في تأجير السياره……وعادي توصلون بها وين ما تبون من البلدان الاوروبيه وتخلونها في اخر بلاد توصلون لها بدون ما تردونها وهذا بيكون طبعا متفق عليه مع مكتب التأجير اللي بتتعاملون وياه….
وبما اني بسير ويا عائلتي باذن الله ميونخ وفيينا فيلزمنا سياره فعن تجربه انصح بتأجير سياره من المطار او مكاتبهم في ميونخ وهيه بتكون ارخص من فيينا ومن مكاتب التأجير في بلادنا .. وهناك تشوفون وتختارون على عينكم …وتختارونهن بنفيجيشن عسب يدليكم كل مكان تبون تسيروله حتى لو مطعم..فندق .. منطقه.. سوق….
بس النفيجيشن مالهم اجاره غالي لذلك انصح وبشده تشترون جهاز القارمن من بلادكم وتظبطونه بكل الاماكن اللي تبون تزورونها وهوه عموما مزود بكل الاماكن والخريطه الاوروبيه انتو بس تخزنون فيه اللي تبون وهوه يدليكم واستخدامه سهل حتى للي ما درس انجليزي وبيفيدكم حتى في الامارات عقب ما تردون ,,, وهذي مواصفات الجهاز وأي استفسار ثاني انا حاضره….(تلقونهن من محلات الملاحه و وكيلهن في دبي منطقة الراس في ديره عند العبره) وسعره يتراوح من 650 الى 2500 درهم حسب الموديل…..
انصح ب nuvi 770 ( نوفي 770).. بعد اطلاعي على مواقع الانترنت المختلفه وتقييم الخبراء في هذا الجهاز وجدته حصل على اعلى نسبة تصويت ( 4.5/5 ) وبالفعل مميزاته عديده ورائعه ، ولعل اهمها :-
1- ينبهك بوجود الرادار على الطريق .
2- ويبين لك الشوارع المزدحمه لتجنبها .( هذه الخاصيه تعمل في اوروبا وامريكا فقط )
3- ولما تتعدى الشارع المفروض انك تلف معاه يعطيك طريق جديد للوصول الى مكانك .
4- وجود محدث صوتي ينبهك للطريق والمسارات .
5- يبين لك السرعه.
6- يبين مستوى ارتفاعك من على سطح البحر.
7- يبين لك طبعا اقرب الفنادق من موقعك او المطاعم او الانشطه السياحيه الاخرى .
* وهناك الميزات العديده التي لا حصر لها .
وطبعاً اهم ميزه ان الخرائط التي فيه هي اخر اصدار من الخرائط ..!!
واخيراً للتنبيه / ان اجهزة النوفي ، هي اجهزة لبيان الطرق داخل المدينة والقرى المختلفه . ، وليس للبر .، فالجهاز الذي يصلح للمدينه والبر في وقت واحد هو قارمن 276
وهناك nuvi 360 ( نوفي 360 ) وهو رائع ايضا لكن نوفي 770 هو الاجدد والاحدث ، والنوفي nuvi 360 يأتي بقوائم عربيه فالواجهه والتعليمات باللغه العربيه ، لكن البحث عن الاماكن يكون باللغه الانجليزيه ، وهو رائع لمن لا يجيد اللغه الانجليزيه .
انزين بغيت اسالج ..
شوارع اوروبا ما تظيع ؟؟؟
وما في قطّاع طرق هع هع هع هع !!
انزين اذا رحنا فالسياره يعني ما بنركب القطار ؟؟؟؟؟؟؟؟؟؟؟؟؟
انا بصراحه ابا اركب القطار خخخخخ
وهيه بعد آخر سؤال .. اونه صدق اللي عمرهم اقل من 23 ما يعطوهم سياره ؟؟؟؟
لاني ريلي عمره 21
اخاف ما يعطونه !!
المشاركة الأصلية كتبت بواسطة نبض أحمد 
انزين بغيت اسالج ..
شوارع اوروبا ما تظيع ؟؟؟
وما في قطّاع طرق هع هع هع هع !!
قطاع طرق في اوروبا ههههههههه الله يقطع سوالفج انزين اذا رحنا فالسياره يعني ما بنركب القطار ؟؟؟؟؟؟؟؟؟؟؟؟؟
انا بصراحه ابا اركب القطار خخخخخ
تقدرين حبيبتي اول الايام ما تأجرون سيارة وتستخدمون القطار وبعد ما ترتاحون يومين تأجرون سيارة
وهيه بعد آخر سؤال .. اونه صدق اللي عمرهم اقل من 23 ما يعطوهم سياره ؟؟؟؟
لاني ريلي عمره 21
اخاف ما يعطونه !!
يعطونه سيارة بسعر أغلى أما اذا كان سنه أكثر من 25 فسعر السيارة أقل
نحن بعد نستأجر سيارة يوم نسافر اوروبا و الصراحه قمـــــــة المتعة واااايد نستانس
لان ما نكون مرتبطين بمواعيد القطارات و نقدر نوقف اي مكان على راحتنا و نرتاح و نستمتع بالمناظر الطبيعية و بعد تطلع ارخص علينا من تذاكر القطارات ..
بس حبيت اخبركم ان أجهزة النفقيشن اللي تمسك الرادارات ممــــــــــنوعة في سويسرا و عليها غرامة و مخالفة و من ضمنها nuvi 770 لان فيه خاصية التنبيه على الرادارات !!
نحن جهازنا قارمن نسيت كم رقمه لكن مافيه خاصية التنبيه على الرادارات و فيه بعد خرايط الخليج يوم نسافر اي دولة خليجية ينفعنا .. حتى في البلاد لو بغينا نسير مكان بعيد
و السموحة على القصور ..
عن طريق شركة هيرتز
وعموما يعتمد انتي من أي بلد بتأجري السيارة مثلا في ألمانيا غالبا يجي مع السيارة
لكن ممكن باستخدام الهواتف النقالة اللي تحتوي على خاصية ال GPS مثل تلفون نوكيا N95
احنا جربناه وكان فوق الممتاز مع ارشادات صوتية نفس اللي في السيارة بالضبط
كنا نستخدمه لما نتمشى على الأقدام للوصول للمناطق السياحية ويصلح للسياقة بعد
وعموما كل اللي عليج تسوينه هو انج تنزلين الخرايط للدول اللي تبينها على الموبايل
من النت من موقع نوكيا
انا شخصيا شفته وايد مفيد لأن موبايلج دايما معج ومافي داعي تشلين اجهزة ثانية معج
هذا من تجربتي….
فيه استفادة للي يبغي يسوق في أوروبا
عموما عند التنقل بالسياره أنصح انهم ما يختارون بلدان تاخذ اكثر من ست ساعات فالدرب ..ولازم تطلعون من وقت في النهار… للراحه والامان خصوصا للعوائل ..واذا البلاد المتجهين لها تاخذ اكثر من يوم فأنا افضل تنزلون ترانزيت فالليل عند اي فندق فالدرب يكون امان….. وبالنسبه للقارمن والرادار ما عندي فكره عن سويسرا… وهوه سهل الاستخدام وعموما حجمه صغير وينشل حتى فالجيب وتقدرون تستخدمونه وانتو ماشين فالسوق بعد يعني للسياره وبدونها .. تقريبا قد التلفون ومفيد جدا…وهو ارخص من تأجير النفيجيشن فالسياره ويوفر من انكم تختارون سياره ارخص بدون نفيجيشن…. ونصيحه لتأجير السياره يفضل تأجرونها من هذا الموقع قبل لا تسيرون هناك وهذا الموقع يوفر سياره بالمواصفات اللي تبونها ويرويكم اياها بالصور ويجهزها لكم في المطار يسلمكم اياها …بالضبط مثل ما تحجزون للفندق… واللي عنده قارمن يختارها بدون نفيجيشن ….الموقع
https://avis.com/AvisWeb/home/AvisHome